Saturday, September 26, 2009

川河281值多少錢?

我好少星期六係香港, 今日返老家陪爸媽吃飯, 明天才離港進行每周進修. 就不如update吓個網誌啦.
g20間接挺美元, 黃金價亦回落至9字頭, 金礦股暫無運行, 246趁機批股, 一日之間大跌十幾個巴仙, 不過, 低過9.6元批股價算是有短線值博, 我唔信金價會跌得太多, 短期內仍會在1000美元附近爭持, 而246相對來說仍是最平宜的金礦股, 雖然較我6元許推介時已升咗好多, 我亦過早套利, 賺少好多!
184又玩嘢, 大家記住明年又去開agm, 有老細基金護盤, 暫時唔會大跌. 未有的3字頭買2000股一起去看每年的agm騷, 好唔好?
2368又見獲利沽盤, 唔想上車住者可在十月尾先買. 我就唔知到時係平啲還是貴啲了. 我只相信中期股息不會少於去年同期的12仙. 我信會見三元, 到時去汕頭租間酒店靚房著新書.
1225推介後只係保持平穩, 算是跑羸大市,費事再解畫. 我都唔急住佢升. 愈低愈買. 在此申明, 我一值沒有買1225, 值至宣布業績之後, 先識得買, 這是計來計去至少可做到帳面資產淨值的股票, 係繼發掘1333和246之後, 另一項重大發現, 否則又點會咁無保留作為禮物式推介.
(ps, peter已申明, 賺了幾轉之後, 今後不再評論1333, 我同黃易大哥的總結式評語係避之則吉四個字)
258走勢在近期內房股轉弱的大氣候下已算不錯, 281就跑得差一點, 有些朋友坐了艇, 但我認為可加注.
表面上, 281變成靠炒股賺錢, albert哥仔亦都吾敢話好有信心, 之不過, 上海來客告訴peter仔, 現時最好賣的樓盤係張江湯臣豪園, 查吓每周沽樓情況, 果然係全上海最賣得. 近期上海樓市轉靜, 但豪園本月推新單位後繼續熱賣, 平均價亦上升了.
豪園是川河聯營張江微電子港旗下的主打超大型住宅樓盤, peter同黃大哥都曾分別微服參觀, 好滿意, 你去開上海, 不妨打的去看看樓盤及附近環境就知真相, 包你急急返來掃股票, 呢個係湯臣字號最平宜的樓盤(係上海現時算係中價盤), 賣緊第三期, 共1500個單位(共有五期, 每期都有一千多個單位), 可望回龍20多億元, 估計今年第三期至少可賣一半(6月分批開盤後至今賣咗約五百個), 即現金收逾十億, 但不會在281的 帳面顯示出來, 因為只係聯營公司. 微電子港係張江集團在張江的地產部分, 由上海上市的張江擁五成股權, 川河擁37%, 其餘由湯臣及女俠自己擁有.
上半年微電子港派息給川河3000萬, 應係收租後除各種使用的部份淨盈利, 可見微電子港在發展中的張江區的實力難以估量
張江是上海浦東最佳的新區之一, 近地鐵站及有多間名校, 距離迪士尼選址約十公里(未正式公布但上海人都知道, 只待中央批准. )日後必定進一步升值, 所以豪園每有開盤都熱賣.
albert年前某次曾說漏口, 謂微電子港可能分拆在a股市場上市, 後來市跌不了了之, 當然, 如果分拆, 定必知道微電子港值數十億元, 足以令281資產淨值大升特升.
在六月三十日半年結, 281的帳面資產淨值每股57仙, 其中23仙係現金(公司全無銀行負債, 即係淨現金), 另外廿幾仙係可出售的上市股票, 微電子港只佔約10仙. 現價30仙, 市場好無譜!!
川河其實沒有什麼員工, 只是控股公司, 每年待微電子港派息同埋看「少年股神」炒股成績, 對川河小股東們來說, 最好係清算分錢了事, 唔好阻住地球轉.
我無去過開agm, 但有一些小股東對於去年炒股蝕本及僅派一仙息很不滿, 今年賺錢帳面應有3仙以上, 明年豪園開始入伙入數, 帳面至少賺5仙以上(實際當然不會是這些數目, 因為只計微電子港的派息, 而不是其盈利), 但既然手上大把現金又唔知點用, 如果281唔再連續派高息及特別紅利, peter仔也會去開agm了.
很可能258現價較281更超值, 不過, 一品的入帳方式複雜, 所以, 當281股價較258低超過10分之一的時候, 短中長線都更有投資價值.
我亦都係唔望佢升住(急升我會套利), 最好企住到年尾, 等到時多一個選擇, 明年世博年賺三期入伙先大賺!

Sunday, September 20, 2009

羅傑斯最新指示: 如何看商品及中國牛市

jr 日前過港, 與他閒談, 獲增真金白銀及金石良言,際此金融海潚一周年, 我特別為明報周刊撰寫了一篇較長的文章, 從軟性的角度介紹jr的最新看法, 希望你們買一份捧場, 及大家都喜歡其內容及剪存.
就當你急急腳落街買一份了,也借金融海潚一周年, 在這裡提供一隻股票供你參考, 1225, 符合老師的選股法, 是轉好中的CIGAR BUTT, 也正在中國展拳腳, 願意派較佳股息, 宜買入後耐性地持有, 待其在內地的零售開始獲得盈利便會大升特升!
另外,誠意推薦由北京記者楊青撰寫的水晶球一書, 這是獲老師認可的「 羅傑斯傳記」, 內容十分好, 也易讀易明. 詳情請看明周文章.

Tuesday, September 08, 2009

瑞金加湯臣有氣有力

246同258都揀在聯交所收工前先宣布業績, 啲報紙專欄都趕唔切, 新聞最多落一小段, 本來應唔係幾利是, 不過, PETER仔都幾定.
246宣布前PETER仔已沽緊貨套利, 宣布後趁金價破千元係咁升, 都話要貴2899一文先合理, 以PETER仔的EQ緊係一邊罵自己沽得早, 一邊爭住沽, 先沽8個5毫幾, 下午最高沽9.1元, 不過已唔敢多沽, 因為所剩無幾, 又變零成本唔會完全清貨, 不過, 1000美元大關重要看多一兩天.
258今晚宣布每股狂賺成一文, 原來主要是一品投資物業部份增值咗16億(兼且又發疲氣撥備多4億!), 之不過, 一品拿來賣的部分完全未入帳, 另外別墅屋亦有六億銷售暫時當作負債, 別墅屋可能要等2010才可完全入帳, 一品截至6月底嗰兩億元今年緊係可以入帳啦, 同時PETER仔可以講比大家聽, 俠女係業績報告無話到今日一品呢三個月賣咗幾年個單位收咗幾多銀, 佢好可能費事搞錯, 不如留番比PETER仔估吓, 我呢, 就估到呢一刻鐘, 唔少於20億(人仔), 利潤超過10億, 不過唔知準備交幾多稅.
要留意281同258的即期業即無關係, 258講的聯營公司虧本, 係08年度的事情(你唔明就問吓啲會計師), 即係話09年緊係賺翻有餘.
當然要讚ALBERT炒股有功, 281同258手上啲股票早就轉虧為盈, 部份套咗現添.
業績報告話3橦一品拿來賣, 剩係一橦出租, 我都蒙查查, 似乎係俠女的最新決定, 早幾日聽講重話緊係要租一橦比全球ceo.
都係阿媽好嘢, 真係唔好再玩高調, CHARLES應該明白呢個道理.
258值幾多, 我都無謂計了, 6月尾計帳面值90幾億, 現時市值係剛升過50億. 帳面啲物業發展部分, 一品同埋啲別墅都係好平好平, 只係等入帳, 全年業績報告就會發現啲帳面現金大約係30億左右, 不過, 有大筆數當作撥備, 即係話預埋政府又秋後算帳(PETER仔就覺得可能性唔高, 特別是CHARLES做咗咁多公關, 一品紅眼症人數大減, 內地唱好者越來越多! 更重要係中台關係改善, 一品最大買家變咗係俠如啲台灣鄉親父老大姐大等等.
總之, 多做事少說話, 廢話留比PETER仔講, 一品呢就慢慢繼續賣, 唔好加價(稍後就會平過16號同1號啲盤) , 258股價慢慢升, 唔使學246升得咁急.
246半年大賺31仙, 遠超大行預期, 兼且金價勢如破竹, 想唔急升都難. 星哥仔打聽後回報, 基金界視246係真貨, 內蒙古啲新金礦真係好易掘, 成本價全球最低之一, PETER仔絕無搞錯.
估得中都賺唔盡, 你哋EQ高啲, 緊係賺多過PETER仔啦! 嗱嗱, 中咗246記住請飲茶.
258終於到目標價啦, PETER仔意亂情迷, 又自己提高目標價, 你哋賺咗兩成就算啦, 又係唔派中期息, 有回吐理由啊!
有問2368真係會上3元?我都想佢唔好咁快上, 最好升到兩個八好啦, 出年先上三文, 可以遲啲先寫書,不過, 如果唔係大跌市, 12月之前都應該到3元掛. 總之, 賺咗246同258味買番啲2368收吓一分息, 對不對?

Thursday, September 03, 2009

業績簡報

出外短休充電, 回家見銀行寄來了「一全三」中期報告, 都沒有心機看了, 先後和兩位超級專業人士莎莎姐仔及星哥仔詳談, 都話1333盤靚數到難以相信, 我雖然唔係完全無得辯, 但都係避之則吉, 廢事害人累己. 短期內不再談這隻股票, 當然, 我仍可能低價短炒三幾千股, 零成本停咗牌當做善事, 黃大哥則話唔再玩, 方程式今期暫時完滿收工, 我信住佢先.
2369果然轉虧為盈, 我這隻只講不推介的私家貨, 今回合報了少少仇, 暫時最多會玩上落, 上次已講過其係有執粒的風險, 唔跟好過跟.
今年首選533新一個中期業績稍遜, 不過仍派6仙息, 唔算好差, 我重有萬零股零成本貨尾, 續持有收息. 這是淨現金股, 明哥接管後繼續老實作風, 我估全年業績雖倒退, 但仍維持末期息派12仙, 可趁回落時慢慢收集, 要有耐性.
王老吉peter仔算定業績劣, 不過, 正好又是玩上落的時機, 低價買咗又可套利了.
246就快宣布業績, 已愈跑愈強, 早就話買金礦股只揀這隻, 唔係認叻!, 不過, 又開始局部套利, 因為唔信金價咁快升上1000, 如果上咗去, 就隻隻金礦股都發啦!
呢牌peter仔除咗246同2369之外, 又意亂情迷於俠女, 上半年業績早就報盈喜, 但望阿ALBERT哥下半年繼續維持炒股成績, 得閒上來呢個網誌參詳.
我估2368三個月可升三成, FRIEND CLUB靚靚女孩BETH問會唔會太久, 我無言以對, 還好, 包括BETH在內大部份妹子主要係低價買了246, 太家買個市愈跌反而愈開心.