布殊仔利好油金

港股繼續調整, 國企跌幅仍厲害, 不過, 1818未見大跌, peter暫未吸納第二注.
越南可正式加入wto, 但只是舊聞新炒, 對於越南概念股只會有心理上的正面影響, 366反彈, 皆因在胡志明市的地產project有新進展, 184繼續保守, 未有動作, 或者, 大股東只想趁低私有化, 他們不會不在越南有新搞作吧? 但可能是私人性質.
布殊盡地一煲, 剛剛加拿大的華語電台訪問peter問前程, 可趁機為et賣廣告, 兼且老友阿華哥叫到, 所以便答了些問題, 早幾年, peter做鬼老通訊社時好多空閒時間, 在加東和加西的中文電台都有節目做, 加拿大華人也識peter, 不過, 當時未識講股, 否則早已紅遍美加了, 可是, 至今他們仍當我只是國際問題專家, 在布殊大騷這種大新聞, 加拿大華人當然識貨想知多啲, 不過, 不知peter在香港專欄的解畫會否引起興趣, 因為無同時講投資(其實, 布殊好有殺氣, 低價買857無衰, 但若加句叫人買油股, 又好像cheap一點,) 所以peter撈世界唔夠醒目.