大師與政客

美股仍不願意稍為調整, 都幾怪趣, 不過港股開始有點乏力, 但下周又有新股申請, 所以短期市勢好難講, peter講咗等於無講. 佛利民去世, 一代宗師萬人讚頌, 但美國的左翼免費午餐派大罵佛老幫智利獨裁者皮洛切特. 在香港, Donald擺明唔再跟佛老(可能係要應付選戰, 不想比家傑哥在經濟政策上「太右」), 所以佢老人家近排都好激氣, 對香港新政口誅筆伐.
80年代後期, 佛老隨張五常訪華, 剛好peter獲邀代某著名男性雜誌專訪張教授, 順便談了佛老的想法, 佛張都係右派, 主張開明專制, peter當時冇咁右, 曾和張教授爭論, 現時, 可能peter更加右了, 所以也寫了一篇大師與政客的分別為政客開脫, 作為悼念佛老, 刊登於明天et專欄.
本來想寫多一篇跟佛老學投資, 不過好似cheap少少, 或者過多幾日才寫, 或者不寫, 因為佛老太過跟Party line, 即係親共和党今年一味唱好.
但老實講, peter相信, 如果不是佛老, 世界文明至少落後十年, 可見他的偉大. 同時佛老的話易懂易明, 所以我視他為宗師.香港現時最親佛老的政客是誰? 答中peter獎你一餐下午茶.