Tuesday, May 19, 2009

手上少股票?

3月前看淡成風, 呢排不少人改為唱好, 我好多股票都到價陸續套利, 朋友問我現時買什麽好, 我說買2000股184去參加股東大會, 同peter一敘吧, 但如果你三個幾先買, 可能買咗peter一些獲利貨,
我重有幾多184, 這是什麽人永遠也不知道的, 我可能今年也許只登記2000股去開股東大會, 可能到時就真的剩翻2000股, 又有可能重有好多好多, 哈哈!! 但一定會盡小股東責任.
衰股唔再講住, 533係我今年首選, 去年底係一元樓下叫買, 目標價1.2元, 當然是超額完成, 因為沽得不夠快, 賺得都幾好, 現時只剩下少量, 一定不會沽清, 無意去開股東大會, 但要保留一點傳奇.
呢幾年來再玩港股之後, 每年首選都超額完成目標價, 單係08年2368曾經累己累人, 如今, 我早已連本有利, 當時是2元叫買入, 之後公司業績勝預期, 但股價卻差勁, 牛市結束熊市重臨, 奈何, 可幸,
近期氣勢如洪, 若連股息, 就算2元的艇貨也近家鄉了.
依家先叫買2368? 我唔會啦, 因為我都套緊利, 但533都升到1.8元樓上, 若7月個市未大跌, 2368見1.8亦好正常, 到時我重有幾多貨, 我都唔知啦!
1211和1122兩隻汽車股都符合政策, 大升突升, peter的獲利就唔算多啦, 因為好少時候做主力, 同時始終有戒心, 如果重剩翻少少, 都係因為沽唔切.
唔會認叻, 1169就係今年另一次教訓, 已戒咗研究此股, 你唔好講比我聽依家係什麽價.
重有那些好買, 藥業股炒過一兩轉, 都算是賺咗啲, 因為信心唔係好大. 內房股, 也賺咗啲, 因為信心唔大. 話得說回來, 今年做好友到依家只會計賺少咗幾多, 不過, 我信jr老師同黃易大哥講, 呢個係
熊市, 有錢有金係手好過滿手股票.
喂, 依家重有無好嘢, 朋友都問, 我反問朋友們做咗功課味, 幫大家揀些好股, peter隻289撞正h1n1
都急急套利, 又唔跌返7字頭, 都唔好買住.
胡亂短炒就唔講啦, 一啲無係blog提過依家價錢又唔係平又唔講啦, 就只係講1333啦, 熊市係揀低風險合理回報, 我只知係呢個時候上市唔會超貴, 基本因素唔錯, 管理層招股書先唱風險何在幾正氣, 本來係6.8至7.8元上市, 想遍向7.8元, 後碰正豬感散戶退飛, 取價7元, 如果潛水, 即係好多機構投資者都領嘢,
預計pe12倍, 做高級貨食正基建條水. 點解有銀團貸款? CFA Andy哥話短債變長債係利好而唔係利淡, 我信佢, 呢一兩日又見低價, 我又增持少許. 短線7元樓上套利飲餐茶唔錯, 回應聰哥問, 中線看7.8元, 係迷好humble?
短線收市短破6.5元止蝕, 中長線若無真正壞消息, 每跌10%增持, 等待業績宣布. 呢個唔係自相矛盾, 而係短線與長線的基本分別!! 尤其是現時仍是熊市反彈期, 點咁講唔會大跌.
記住每個星期一下午五時十五分至六時看tvb高清台peter與waiyee對話, 多多捧場.
有無其他報刊發表? 有時做替工無用真名, 外交答法係等於無!
呢排一個星期有兩三日唔係香港, 老友們要call我, 要call多幾次, 都唔係偷懶, 係勤練功. 羅傑斯認我係徒弟, 黃易認我係老同學, 佢哋都係大師, 又點可以唔長進!!
繼續偶爾在這裡與大家學習與分享吧!!

12 Comments:

Blogger 謙仔 said...

1333係富力和世茂上市初期的翻版,散戶早已震走,當冇實力或者冇耐性的基金都走埋,就係大炒之時.

睇呢兩日盤路,每次突破招股價7元都沽盤如雲.這是好兆頭,代表有人急不及待沽貨.

1333做鐵路列車鋁,毛利高於建築鋁,老闆號稱「遼寧首富」.俗語有云:「哪有首富不炒股」,呢隻嘢一定炒到你唔信.

我在7元以下亦已上車,每次創新高都應加注.保守目標價9至10元.

6:22 AM  
Blogger  said...

係呀 
呢兩日留意到1333勁多買盤
而且相比其它被抄起的股票
現時仲低於招股價
不怕長線或短抄

標兄
2368呢期維持1.5元左右
升又升唔上
跌又跌唔到
企左係度

六月再看清情況再看看應否入貨

11:28 PM  
Blogger bcgmp said...

標哥我来得廷晚啦,错过你好多的资讯,现在才找到你的blog,可是迟到好过无到,仲有无其他的网可以睇到你d资讯架,tell me plz,thx

5:33 PM  
Blogger HOI YI said...

標哥,這幾天買賣金股,2899和1818,都得小小甜頭,都是怕大市大回吐,走即日仙,如果大市真的下跌,相信金股都受影嚮,對嗎?創富坊節目時間很短,得3節,我想向有關方面要求長些,試試看.

3:11 AM  
Blogger peter said...

好同意謙仔的看法, 我想, 六月初有一隻化工股上市, 近日是路演和定價階段, 1333受壓可以理解, 我想6月10左右係好日子來臨.
1.5元很難叫買2368, 1.6仍有較大阻力, 我會部分套利, 但收市破1.6可能追回, 7月才宣布業績, 要有耐性.
請多介紹朋友們來此網站, 如今是偷懶期, 否則搬去內地網站爭做中國blog股神, 講笑而已.
hoiyi, 電視節目很難播很長時間, 稍後還會稍為濃縮一點, 請勿介意.
jr教導, 黃金低又買多啲, 高又買多啲, 不過, 我估1000美元仍有較大阻力. 總的來說,美元下跌, 北韓核試日yen無運行, 避險只剩黃金了.
熱錢仍多, 港股炒味大, 膁錢的同時要嚴守止蝕!

12:06 PM  
Blogger bcgmp said...

This comment has been removed by the author.

1:28 PM  
Blogger bcgmp said...

標哥,我依加留意住1333,昨天在大利是及住,左边買盤买卖数量通常大过沽货量,但都稍为跌左少少,现价位買入要要嚴守止蝕吗?thx
http://i41.tinypic.com/2po9vvd.jpg

1:30 PM  
Blogger bcgmp said...

集團是亞洲及中國領先的專注於交通運輸領域的工業鋁型材產品製造商,並具備強大的研究及開發能力。根據中國有色金屬工業協會的統計,按照二零零七年的產量計算,集團是中國最大的鋁型材產品製造商。根據CRU的資料,按照二零零七年的產能計算,集團是全球第三大的鋁型材產品製造商,以及亞洲和中國最大的鋁型材產品製造商。在二零零七年及二零零八年,集團生產的鋁型材產品分別超過303,000公噸及419,000公噸。於最後實際可行日期,集團的設計產能超過535,000公噸。

集團的主要業務是生產及銷售符合客戶嚴謹規格及質量標準的優質鋁型材產品。集團生產多種鋁型材產品,用途廣泛,大致上可分為兩大類,即工業鋁型材產品和建築鋁型材產品。

集團的工業鋁型材產品:集團生產光身、大型、大截面的高精密鋁型材產品,主要用作火車貨運、客運車廂、城市軌道交通(地下鐵路及輕軌)、輕型貨車、汽車、飛機、船舶及電力傳輸設備等終端產品的零件與部件。集團的工業鋁型材產品按照客戶的規格和質量標準度身訂造。

集團的建築鋁型材產品:集團的建築鋁型材產品主要用於組裝樓宇建築採用的門窗框、幕牆系統及室內裝修材料。集團重點生產經過複雜表面處理的高檔建築鋁型材產品,適用於高檔樓宇及建築物,並可根據表面處理的方法細分,包括拋光、陽極氧化、電泳噴塗、粉末與木紋塗層及PVDF塗層處理,全部均須經過多重表面處理步驟。

集團的總部設於中國遼寧省遼陽市,生產設施位於遼寧省,選址極具策略優勢,鄰近鋁錠、煤炭及電力的主要生產區,這些因素均為生產集團產品的主要原材料及能源。集團通過建立新的擠壓生產線,不斷擴大其產能。於最後實際可行日期,集團有64台鋁擠壓機,包括一台125MN油壓雙動鋁擠壓機,這是中國目前最大型的鋁擠壓機,亦是全球最先進的擠壓機之一,使集團可生產大截面的高精密鋁型材產品。集團的機器及設備主要從日本、德國、意大利、瑞士及西班牙的製造商購入,使集團所生產的產品得以符合客戶的規格以及國際和中國國家標準。集團位於遼陽的生產設施自一九九七年及二零零三年起分別獲發ISO9002及ISO9001品質管理體系認證,同時自二零零三年起獲發ISO14001環境管理體系認證。

集團在中國各地擁有不同類型的國內及海外客戶,包括鐵路、城市軌道交通導電軌、汽車、造船及航空等行業的大型運輸客戶、工業設備與機器生產商、房地產發展商、建築材料批發商以及建築公司。集團已與多個和集團有四年或以上的業務往來的終端用戶市場客戶建立了長期合作關係。

集團由全球發售所得款項淨額總計(扣除包銷費用及集團應付有關全球發售的估計開支後,假設超額配股權未獲行使及發售價為每股股份7.80港元,即本招股書所載的指示性發售價範圍的中位數)將約為10,586,000,000港元。集團現時有意應用該等所得款項淨額用作為集團的工業鋁型材產品增設額外的生產線,從而擴大集團的產能及於工業市場的滲透率(尤其是交通運輸業);購買生產下游高附加值工業鋁型材產品所需的製造設備及設施,集團預期此舉將擴充集團提供的產品種類及加強集團的競爭力;償還於未來十二個月內到期及應付的現有債項;加強研發活動及設施;及營運資金及一般公司用途。
[url]http://i41.tinypic.com/2po9vvd.jpg[/url]

1:32 PM  
Blogger bcgmp said...

睇下又介绍唔错,一定有机会抄起,多谢標哥推介

1:34 PM  
Blogger bcgmp said...

http://i42.tinypic.com/sfz1q0.jpg

原来JPMorgan 和 UBS都系股东,信心十足

1:42 PM  
Blogger bcgmp said...

今天唔见標哥,1333果然去到6.92了

5:56 PM  
Blogger bcgmp said...

今日又系唔见標哥,好想听下標哥有咩意见

12:43 PM  

Post a Comment

<< Home