港台鬧劇續集

周生表態後, 戴生表示又再入紙申請, 都幾搞笑, 上頭已決定唔升你, 即係話閣下雖有學位, 但唔夠班坐正, 重咁厚顏又申請?
不過, 不過, 講電台管理經驗, 戴生肯定勝過周生, 就算唔講學歷都冇理由唔升戴生, 另請周生? 點解釋呢? 啊細哥今次要考你了, 要為老閣分憂, 唔好咁小氣顧住公報私仇. peter估周生最後可能變成出頭鳥, 與戴生兩敗俱傷. 細哥和peter今云可能係難得一致.
戴生早幾年曾調去教統局幫羅太, 這個三剎地是死亡位置, 但他能全身而退, 道行唔錯.
不過, 佢與其他港台公務員一樣, 都係最叻走精面, 靠唔住. 不過最古惑的是周生的監製梁水, 以佢的背境, 本來在港英治下應好似陳祥烈士般在港台企不住, 但此君最懂賣友求榮, 不怕換老細, 所以不如bowtie破格升佢, 有著數. 至少佢會代整人, 又識見民主派講民主活, 見愛國派講愛國話, 幫手將港台收擋捨他莫屬!