酒店怎估值

唔知大家有無看我周六的et專欄, 美經濟面臨滯脹, 但股市照樣創新高, 可以見到資金熱錢的威力, 總之, 當日圓仍唔識大升, 股市衰極有限. 在香港, 暫時應是上落市, 使七一回歸十周年可企於2萬點以上, 最好當然係創新高啦
內地股市也是升極升唔完, 央台「經濟半小時」都冇佢乎, 北京師奶醒過jr, 如今是豬市, 愈豬愈發.
622係三愛股, 但近年的搞法令peter也頭痛, 曾想過打佢入冷宮, 不過, 又發覺它已過了最劣時期.
看完激成的宣布, 盈利較預期為佳, peter這隻07年新年推介, 雖然早已大幅超過4元目標價, 兼且管理層作風保守, 對小股東欠佳, 但現價仍十分便宜, 無理由低過陸氐. 詳情記得看明天mt專欄.
另外專欄沒有計算一個問題:
一間酒店一年賺七千萬, 年增長率過去保持兩三成, 若果它上市, 可以值多少錢? 幾多倍pe才可吸引投資者申請? 15倍貴唔貴, 20倍貴唔貴, 30倍貴唔貴? 其他優質酒店股做緊幾多倍pe? 我呢間係越南胡志明市的一級酒店(內有電子娛樂會所供會員享用), 無理由及不上其他酒店卦?
我本書還在最後努力中, 石老師和黃易都寫了代序, 又找了一些名人推薦, 通常作者無料到就要靠這些了, 請多多射住! 到時買多幾本送朋友, give me a face, OK?

俠女揮劍

湯臣用俠女的名義發業績, 一派戰鬥格, 將去年和多年來的盈利全部按VAT新標準撥備, 但當湯臣一品是發展中物業未完成全不入帳, 於是表面上是蝕大本, 而小股東一同受罰不派息.
湯臣一品兩棟繼續要賣(現已「預售」了三個單位), 另外兩棟則準備租出, 與最初僅租一座稍為變陣. 另外繼續開發湯臣高爾夫別墅, 準備長期要為堅持「湯臣五百年不變」的夫君口號而作戰. Albert可否勸服Mom稍為減價促銷? 下半年出租大計(由Albert主持)能否順利落實, 是今次與內地傳媒決戰的關鍵. (內地傳媒續指女俠是暴利商人)
詳請記得看peter下周在mt的詳細論述.

盈利倍增

嘩, 呢兩日忙死了, 弗州槍擊案搞到頭昏腦脹, 不過, et同事能人所不能, 看周二各報點様改版, 立分高下, 明天還有Peter獨具慧眼的分析, 萬勿錯過.
366和281先後宣布靚靚業績 ,盈利以倍數上升, 366盤數有不少水份, 但作為越南股, 又怎敢話佢貴, 所以繼續升. 281終於肯派息每股2仙, 現金流入大增, 只等繼續售樓入帳, 張江湯臣豪園長起長賣, 每股賺6仙並無水分, 另外還撥備了2仙作為增值稅, 女俠讓劉主席管川河, 無看錯人, 當然Albert亦有功, 不能不讚. 當然, 還要看湯臣點樣應付增值稅, 份報告(周四發表)將由女俠簽名發表, 級數又如何呢?

又爆內幕

今周好忙, 新書還未完成, 正在趕工, 下周366, 281 及258 皆宣布業績, 看看有無好消息.
要小心美國樓市好大問題, 請先看明天peter的et專欄披露內情.
傳媒春秋今天訪問了peter, 明晚7:30在亞洲台應可見我幾秒鐘. 當然唔係講股票啦. 好似月前上過一次有線第八台講宏觀財經, 都無講股票. 好慘, 班行家都唔知我識講股票, 否則早就變成講股明星. 所以, 一定要搞本好書出來, 一屁天下响, haha!
究竟peter是講股佬還是國際問題專家呢? 我也開始搞不清

復活隨想

又到復活節, 可以休息幾日, 這是在et工作的好處, peter多年前在某報館工作時, 曾連續兩年無放假, 不過每天只是工作5至6小時, 除非撞到超級大新聞, 通常係play hard 多過work hard.
今日聽到一個不開心的消息, 有朋友透露他患了惡疾, 雖然努力安慰他, 但也感到人生的無奈, 總之, 要活得精彩, 面對病魔不怕和它搏鬥.
peter一向不怕鬼, 因為和它搏鬥, 輸了味又打多一場, 不是自己打得, 而是自認能量高, 甚麼妖物都唔敢埋身.
近期各地股市唔肯跌, 又是錢易搵的時代, 不過, 都是量力而為好, friend club正在做業績工課, 下周mt的專欄(改在周二隨報送), 將介紹幾位資深成員的心水, 他們的往績很好, 值得留意走勢.

新書披露

多謝各位讀友捧場及對新書提出眾多意見, 請繼續提出意見及特別是各類促銷大法. 雖然說好文章埋在地底也有人找來看, 例如我的mt專欄, 你見過有宣傳嗎? 過去外界只知peter是國際問題專家, 不知也是炒股佬. 然而, 如今成書, 一本好的投資書, 可以學懂後可戰勝市場的投資書, 就須要大力推介, 而不是讓它成為歷史的驕傲!
這將是對過去三年重出股市江湖的一個總結, 是理論和實戰的結合, 因此會是以mt的文章為藍本, 以證明筆者及friend club的揀股水準, 可如何可以找出好股票, 但也會在文章寫後記, 使能溫故知新.
已邀請石老師及黃易兄寫序, 也會印出jr的親筆教道作為價值投資者的首要心法.
內容主要分幾部分, 理論部份, 實戰部份及和與大師對話部份. 每一部份都會寫一篇新的前言作為連繫, 希望既有實戰儲存價值, 亦有揀股的基本法則.
另外, 明天除了mt專欄外, et專欄問了jr有關油價和航空股的關係, 澄清坊間的一些誤傳. 這是理解價值投資法的必讀文章!!