1333為何又DIVING, 黃易變陣

剛回到香港, 見到1333個價嚇死, 好彩昨早沽了八八九九, 只剩幾千股早已是零成本的貨.
好消息沽貨套利是炒股哲學之一, 何況有黃易方程式, 今次我哋如上文通知走得急主要係對佢唔派股息好不滿, 因為宣布開董事會時強烈暗示會派息, 還間接提醒股份要重新登記, 即係警告沽空者, 但宣布不派息, 等於放沽空者一馬及開綠燈.
此外, 據稱, 1333向分析員們解話時對好多問題都唔識答, 事實上, 一直有分析員不相信為何其他鋁公司處於低潮, 獨忠旺壯大, 唔識答當然引起更大不安.
所以, 又一次跌個四腳朝天, 黃大哥有兩種意見, 可以等到8字頭再開始玩, 或者不再玩, 現時有咁多其他 好股, 為何一定要玩1333, 雖然至今每個回合都是大賺(佢大賺, 我小賺!).
我說, 剩係看大摩一時清貨一時全力加倉都煩, 佢哋在暗我哋在明, 佢哋可沽空我哋唔識, 好彩黃易方程式不變應萬變, 先至可以長勝, 如今連黃大師也這樣說, PETER仔更加小心了, 不過, 我仍然相信佢有朝一日會上大行目標價, 到時啲人又唔記得啲衰嘢.
　

1333 業績遠勝預期 黃易方程式發達

1333業績遠勝預期, 半年每股賺3.7角, 好厲害!
大行12至14元的目標價不難逹到, 不過, 由於有大量借貨沽空, 今次不派中期息等於放淡友一馬, 所以按黃易方程式在10元樓上逐步沽貨, 明天再升應該會繼續沽, 我將只剩下較少量等待上十幾文. 又或者等佢再跌過先再買.
中線來說, 忠旺將成為全球高級鋁之首, 若是長線投資, 就不用學peter仔般沽了.
近期我還會留意2389「中國無錢」, 289永安, 533同埋王老吉的業績, 246仍未知幾時宣布, 但肯定靚仔.
289仍然是cigar butts, 現價未算高, 王老吉又玩怪招, 中期業績看來平平, 可趁低買入玩波幅, 上上落落唔識升重好玩. 2369究竟是收成期並係執垃有望, 今年都幾關鍵, 生意肯定唔錯, 但利錢怎樣就要看看點宣布了, 正常來說應是虧轉盈. 533若中期派息超過六仙就係好消息.
246唔係幾識玩短線, 只求業績超靚, 一舖大勝!!
308發盈驚無眼看, 止蝕後重剩兩萬幾股貨仔, 又上一課, 好彩唔急於報仇.
258我有耐性, 亦可以間中炒波幅.
2368到11月應升上3元, 但呢個世界幾個月都好難等, 現價都唔會叫你買啦!
注意, 近期資金流向美股, 即係全世界炒緊落後!!
星期三4:15 pm看waiyee和我在高清jade直播對話啦!聽講依家有好多方法收高清台, 唔好錯過!

立此存照

258 今回我最低買價是3.26, 即是暫時平均價又是帳面輸家, 上海打壓高樓價的消息不少, 內房股普遍受壓, 258不見一品新盤有新成交, 短線沽貨離場, 我未認衰, 反而認為貼近3元是更佳入貨時機, 新鴻基的上海樓王將開售, 據說要價20萬元一平方, 到時一品再也不是天價, 而成交也會接連增加.
內地股市開了幾日陰, 央行大員等急忙開記者會, 有謂指數由官方話是, 看看今次是否如此, 周一a股不大反彈就有難了.
美國就業報告係好消息, 不過失業率下降只是假象, peter打賭下月又見升. 不過, 新減職位大幅下跌, 是更實質的變化, 轉為職位增加就是開始復甦了, 不用看gdp.
貼士, 9字頭買1333, 6字頭買246. 玩波幅.
308比市場玩了一次, 暫不急於報仇, 所以呢, 唔好認叻, 同時呢個市唔可以高追!!(有強勁派息者除外, 因為不斷吸引新買家).
2368若升上3元和企穩, peter仔便會著新書獻給simon, 講金融危機, 講各國政府救市, 講未來方向, 有內幕爆又有前瞻, 兼送號碼, 保證一炮而紅, 絕非吹水, 絕對不會食言, 立此存照!!

2368升上2.7, peter承諾又爛尾?

2368 終於升上2.7元, 我在08年選為全年最佳股票時的目標價, 其間曾經歷盡滄桑, 但良佳的業績, 慷慨的派送, 令到愈來愈多人明白到2368的價值, 這是價值投資者的重大勝利, 當然, 小股東們都要多謝鍾主席領導有方, 及2368同仁的共同努力.
我在低價時曾經許諾, 如果2368能企於3元以上, 我會寫一本書講述金融金暴下的投資秘訣, 希望有助大眾掌握新時代的脈絡, 現時仍然係講住先.
journalist最重諾言, 但我對friend club好友們曾食言一次, 年初謂533超額完成目標價後, 便著手搞一間沙龍式的書店加咖啡廳, 擴大friend club, 搞研討會, 講座, 使有志者有一個吹水看書交換心得的地方, 請jr上來坐坐或請黃大哥搞個簽名會, 就即刻街知巷聞啦, 但我太懶了, 至今得個講字, 可能, 懶開很難回頭, 當以為市場的錢好易撿拾時, 遊戲人生主導著身心, 奈何! 輸光才出書, 又即係搵笨啦!
246和2727都發力了, 所以, 常說對於好公司好股票要有耐性.
金價正處於960重大關口, 不過, 246會越跑越強, 其勢已變!!
1333可繼續玩上落, 因為成交大, 易買賣, 同時要等候才再開車, 交易所准其可沽空後, 暫時宜低吸高賣, 不宜高追.
258傳有基金佬因買一品單位被炒, 查實只是內地黃色傳媒心態的胡言, 只是同名同姓者買入, 有人竟然可以作出個故事, 都幾搞笑. 近日, 258因沒有售樓的新消息而只能在3.5元左右移動, 就是說只待新消息, 也可待別人心灰意冷低沽時買入(peter一向玩258黑仔可能就是其中的止蝕沽家, 哈哈!)
不久前, 私人醒給friend club好友們的308又開車了, 已有十巴仙利錢, 沒有先在blog講, 因為要聽好友們的意見, 今天, 國旅有了a股上市號碼, 只待排期, 市場聞訊308即破1.96阻力. 我都遲了出擊, 但提醒自己高追要嚴守止蝕!
據了解, 國旅以3點幾倍pb上市(6元幾人仔), 到時應好易炒上4倍以上(超過8元人仔), 而308每股資產淨值稍高國旅, 現價pb只是1倍.
在內地國旅中旅青旅三雄爭位, 如通訊市場般差不多, 中旅母公司豈能再懶散? 從基本因素來看, 我對308不敢說好, 只能說, 現時市勢應有利此類股票, 國旅上市路還有幾個浪的消息宣布, 中旅易被炒作. 看看是否只待撿拾銀紙抑!!