Thursday, March 29, 2007

新書hard sell

港股期指結算, 挾淡倉大彈, 美股則無運行, 英軍人質事件雙方企硬, 油價升上66美元, 美國要減息也難, 若是打仗不知是何結果. 所以都係多持現金好一點.
與美相關股包括龍頭494以至筆者新寵635和585均跌, 係市場的正常反應, 但我不信現時便會影響美國人看戲和買玩具心情, 不信, 看本周末美票房情況.
近期接了job寫書, 當然係由etp自己友出版, 揀股心法和實戰事例兼備, 要整理三年的mt稿不是易事, 盡管得etp的Chris兄幫忙.
今後更忙, 將較少update個blog, 只會答一些有益有建設性的留言.
十年冇出書, 今次緊係希望好一點, 你們個個人手一本, 又介紹親朋好友捧場, 賺錢其次(不是作大, 599和184已夠返鄉下番禺買屋買田), peter如不少中國劣民一樣, 最要面子. 想賣他十萬零八千本, 帶領全港散戶齊變羸家, 還要譯成多國文字, 怉負大過青年時要改造世界, 當年的想法不實際, 而現時的想法至少在過去三年, 有一點點的成績, 多人叫好, 少人罵街. 不信, 就更加要買這本新書了.

Wednesday, March 28, 2007

小心旅遊

阿伯認真好嘢, 差不多講明對經濟前景唔識看, 美股曾一度大跌, 暫時見跌幅收窄, 日圓回升, 拆倉新一浪, 是不好的徵兆.
去旅行千奇唔好去斯里蘭卡, 或經科倫坡去馬爾代夫, 泰米爾老虎竟然可以出動軍機炸首都主要空軍基地, 到科倫坡全無保障, 詳情看peter明天在et披露全球獨家內幕, 另外, 曼谷準備扮緊急狀態令, 復活節去當地宜避免到敏感地點, 即係留在酒店好了, 怕味?
tmnt就快開畫, 記得捧場(忽然變成推銷員, 怪怪地) . 635, 585未上車? 趁弱市吧.

Tuesday, March 27, 2007

一念之間

美股今晚又跌, 過山車好刺激, 如何解畫, peter都要想一輪,
結論是, 輸贏只是一念之間. 請看明天et專欄.
例如, 我的一念就是由看淡改為看好585. 你唔敢跟? 當然唔好跟, 炒高後回軟買貨最易中招. 不過, 我今次係有啲執著, 好彩, 心中都有止蝕位, 要守紀律.

Monday, March 26, 2007

tmnt熱銷

在蛇口休息了兩天,在招商地產地頭近碼頭一邊, 很有瑞士feel, 各國美食店都有, 鬼佬多, 吧也多(也有點灣仔feel), 我一向喜歡到該地的酒店休息, 這裡距離南山書城亦不遠, 股經愈出愈多, 真係大時代.
tmnt熱銷, 較預期為佳(可參考tim在留言的貼士), 我終於也發覺585好超, 雖然有主要股東減持, 但建立口碑後, 荷里活生意唔憂做, 明日peter在et專欄當然繼續goodmouth tmnt及再講635及585的優點, 好有道理, 但et專欄例不講股價, 所以, 在這裡講少少給大家聽, 至於隻彩星輪, 如識計數仍可沽正股買輪, 不過, 一定是負溢價才買, 因為散家碎股多沽貨量不少, 同時今日mt篇稿也吸引了一些短線客.
華爾街無運行, 新屋銷情欠佳趁機回吐, 但原來係樓價中位數上升了, 即係話班地產佬去唔倒貨重要加價, 緊係無運行, 但暫不影響一般消費, 例如周末整體票房較去年同期升了兩成.
有留言問970前程, 答案係:等宣布幾時排期上畫, 我也唔知還要等多久.
至於有問599點解咁勁, 上月早就話係一元股, 緊係冇每個星期一都買mt看peter專欄了, 咁緊係賺少好多啦. 有peter, 冇窮人(入咗青山亂講嘢)

Wednesday, March 21, 2007

富爸爸「怪論」

今晚在等聯儲局議息, 估計不變, 要看會後聲明會否重返neutral, 令到下次有減息可能, 但以阿伯的功力, 看來仍是傾向於仍有可能加息, 看看peter是否估中, under阿伯, 滯脹係死症. 不過, 這對股市未必壞, 因為只是窮人及部分中產有難, 企業盈利仍可觀, 美股有得玩.
然而「六親不認」的清崎又有偉論, 玩美股早已「明升實跌」, 似是怪論但不是歪理, 且看peter明天在et專欄介紹和分析.
對於635今年, peter仍有比較大的祈望, 但最重要是面對票房和口碑, 若兩者皆好, 即可能拍續集, 到時賣玩具一定好過拍片了, 否則, 係咁先. 有關635的消息, 請多留言.

Tuesday, March 20, 2007

蠢豬當旺

做牛可發達, 做熊可發達, 做豬一定輸, 這是某投資專家的名言, 因為豬又愚蠢又貪心, 但在現實世界, 豬可能在現今的牛市過山車中賺最多錢, 激死, 為何如此? 不信? 看peter明天在et分析.

Monday, March 19, 2007

發達秘笈

635初見熱身, 最緊要係留意動畫上映情況, 所以暫時沒設目標價, 若事與願違少人看, 就要走人, 否則, 吃大茶飯了!!
全球第三大富豪兩三年後必變首富, 看peter明天在et介紹他的賺錢秘訣
荷銀資產有價, 美股有反彈, 但香港主要是看內地股市走勢, 竟然加息都升, 中央面子何在? 但加得太多息人仔就升值更快, 幾投鼠忌器.

Friday, March 16, 2007

TMNT狂想曲

TMNT是什麽密碼呢? 這是585狂升超過十倍的原因, 但仍未惠及635, 中銀國際研究部報告的目標價看1.5元. 但90年代出真人片時, 令到635的公仔大賺特賺, 曾狂升至20元.
peter對635沒好感, 無錢賺靠重估資產整色水, 但查吓中外網站有關tmnt首套新動畫電影, 發現係一級貨色, 好得人驚, 差不多必定是復活節檔期最hot的電影, 香港將在3月29日上畫, 而美國就提前在3月23日, 看來繼"300"之後, 又一驚人的大熱賣. 又會掀起公仔熱.
衰公司也要變身好股票了! 此外, 就算萬一tmnt公仔唔好銷(都話係萬一, 即係可能性極低), 收息都有保障, 唔會跌死, 585就唔識看了, 它可以分得幾多錢? wood kill sheep.
大市就驚驚地, 美國次按火頭未完, 現時變成政治鬥爭, peter明天在et披露內情.

Thursday, March 15, 2007

戰狼300

大市正在反覆建立低步, 揀股更加重要, 下跌風險要少, 上升幅度要夠大, PETER近日遍向高息股, 特別是這近宣布業績的股票.
戰狼300早個周末看了優先場, 見較多人談論, 兼且伊朗官民罵街, 但愈罵愈多人看, 於是pETER又加入, 不懂影評, 但有時複雜的爭論其實好簡單, 你若有打機, 可感到有什麽特別訊息? 請看PETER明天在ET解畫.

Wednesday, March 14, 2007

夠膽買貨嗎?

嘩, 雪球效應來了, 你的心水股明天如果跌近10巴仙怕且可買入, 即是話現時唔係震貨的時候, 全球贖回潮將持續一段時間, 那些最可能被沽?
現時入貨便要準備長線, 要敢買平均低. 選有高息收或可能被私有化, 呢兩點係peter的心水, 當然未必正確.
我呢個blog好自由, 不過, 想挑戰 Peter的number, 可能會自取其辱, 冇人提供股票可以保證你發達, 所以唔係看number, 係要看推介的理由及是否過份沽售. cigar butts實有衰嘢, 否則就唔會淪為cigar butts. 所以, 有時peter雖買某股, 卻在mt罵街, 罵管理層, 罵市場無效率, 要做散戶救主(唔係short咗, 真的這樣想), 罵你等於塞錢入你口袋.
美國經濟後向如何, 緊係要看peter明天在et的分析, 知冇.

Tuesday, March 13, 2007

扣緊安全帶

美股大跌, 驚衰退, 怕且香港又要回跌幾百點, 扣緊安全帶吧!!

Monday, March 12, 2007

怪股業績

Peter繼續寫石油小系列, 明天講到油價後市看那些因素, 今日以天氣轉暖為由令油價下跌, 無冬天對油價唔係好消息, 但想大跌, 恐怕好難了.
罵街之後間衰公司的股票繼續升, 陰謀理論係, 先升一段然後大跌, 等跟peter的勁輸. 不過, 你精我唔呆, 今次接近目標價就走, 但如果再有基金增持, 咁就發達啦啦!
剛看到隻怪股宣布業績, 想問大家意見, 就係635, 盤數係靠重估資產頂住, 其實盈利續大倒退, 但卻願派高息, 還將有電影效應跟尾. 肯定唔係cigar butt, 但會唔會先翻生一年, 然後再隱隱隱....?
講開又講, 隻衰公司好股票本來也是635同系, 雙方管理層各施各法, 小股民高追實無運行.

Sunday, March 11, 2007

拆骨變現

由於要出席某銀行的內部seminar, 近日忙於收集有關能源市場的資料, 將先行在札記專欄發表, 會引述jr一個智慧言論, 即替代商品只會豐富商品市場的品種, 而不會令整體商品價格下跌.
推介股票不一定一味唱好, 例如明天peter在mt舊寵重提, 對管理層的做法便很不客氣, 間接表明希望眾基金出手把公司「拆骨」. 其實要多謝某blog友在留言問我對該股的最新看法, 當時答是乏善足陳, 但經查究之後, 原來是我等散家紛紛出貨, 但眾基金卻默默增持.
所以, 有時不怕與dark force開火.

Thursday, March 08, 2007

必勝貼士

股票投資有必勝貼士? 在美國, 不少投資專家賣內部通訊, 好似香港賣賽馬必勝貼士一樣, 近日跌市, 這些貼士專家也趁機出來show quali, 對後市進行前瞻, 以吸引新客, peter今次特別介紹兩位看好和看淡的專家如何江湖賣藥. 共同點是不理大風大浪, 只要訂閱他們的貼士通訊, 便可成為羸家, 詳情見明日et專欄.
peter想, 不如每周都看peter在mt的專欄, 更加實際, 貼士唔敢話實羸, 至少唔會輸死你!

Wednesday, March 07, 2007

特工門開拍

原來唔經唔覺收視已超過十萬, 在冇宣傳的情況下都算唔錯, 不過, 各位兄弟姐妹至緊要多提意見, 否則就冇心機了.
特工門就快拍成電影, 又係莎姐做女主角, 唔好卦, 本能2已好難忍佢的假上圍.
不過特工門案雖有替死鬼, 但還有好多手尾, peter明天在et披露.
安倍都抵死了, 紐約時報今日竟也發表社論炮轟安倍慰安婦言論.
若果當娼無害, 不如請安倍的妻女以至情婦到歌舞技丁倍客.... (dirty mouthing).
眾多分析員叫唔好買細價股, PETER緊係唔信啦.
有peter冇窮人(好似安倍咁食錯藥!)

Tuesday, March 06, 2007

無迫良為娼?

各地股市反彈, 皆因carry trade平倉暫時停止, 但唔係結束了, peter近日忙得很, 今天連給friends 的update也沒寫, 大家就都看這篇吧.
明天仍要彈, 總之日內若見港股弱勢就沽, 自己的股票弱勢也要減持, 便可以渡過困難. 281重上33仙, 599繼續升至82仙, 星期一若跟買任何一隻都有得賺, Peter係唔係要認叻先?
明天et專欄講政治, 安倍突然否認迫良為娼有何計算, 看peter解畫吧, 這單嘢還有很多下文, 安倍將會好麻煩, 唔衰拿來衰.

Monday, March 05, 2007

知識產權

全球大跌市, 主因當然是日圓拆倉及基金應付贖回潮, 「廣州日報」某行家竟然將peter較早時分析全球跌市的專欄的部分段落, 加入他的文章, 然後作為聯名文章發表, 可見內地行家完全不理會知識產權. 此位人兄直情係short咗, 因為內文大部分段落說是他怎看, 而抄一段謂係peter的看法, 咁都得!!
有些內地報章和網站全篇盜用peter文章, 保留peter名字, peter當作是比面子, 日後才慢慢同佢哋計數, 但廣州日報此君太過離譜, 若有內地讀友, 可代peter將此段傳去廣州日報, 據知, 這也是堂堂大報!!
港股明顯是超賣, 若今日美國市續跌, 明天港股再跌便是入貨良機, 若美股今反彈, 明天港股也會殺殺小淡友.
281唱也唱唔起, 因為大陸地產股全面受壓, 281表現已不錯, peter今日欲低位買入, 但買不到.
599肯維持秩序, 不跌反升 ,都算比面子了. 大風大浪, 最緊要是堅守原則和紀律, 不要被市場氣氛迷惑!

Friday, March 02, 2007

張江寶貝

全球股市繼續要跌, jr說得對, 香港莊家股終於亦投降, 可見莊家也未必實羸, 不過, 這是低吸好股票的時機, 還是要根據選股四原則, 此外, 最緊要係實地考察.
上海之行去了張江板塊視察業務, 這是科技園所在地, 最近地鐵新線通車, 張江近車站樓盤熱賣, 究竟利什麼股票, 周一收看mt的peter專欄便知道了. 周一港股很可能續跌, 看看peter可否「隻身遮天」, 通常就是這個時候收那些金手指, 好彩peter唔認係金手指, 同時會叫你愈跌愈抵買, 即是說一定不會買錯(peter自以為如此), 買貴唔關我事, 死味, haha!!

Thursday, March 01, 2007

jr 唱淡

美股大玩過山車, 好得人驚, jr 又唱淡, 請看peter明天在et報道.