Sunday, June 28, 2009

唔理大市 只看個股

184股東大會情況, 約略在回答hoiyi時介紹了, 對於這樣的衰股票, peter短期內不再談, 但肯定明年還會去開AGM, 看看公子們可以忍耐多久, 繼續讓家族做一些不得人心的事情.
上星期又趁回落時玩了一轉1333, 呢個局都幾搞笑, 本來應是玩接火棒, 如今卻是凡上車能忍住就有錢執, PETER仔繼續剩番數千股貨仔, 係「零成本以下」啦, 等緊佢回到9字頭.
雖然話無緣, 忍唔住又玩了一轉258, 幾日便輕易獲利+20%沽清套利, 多謝CHARLES調整一品售樓政策, UNCLE GIT讓路, 其實, CHARLES和ALBERT都十分叻仔, 俠女讓他們都輕鬆點, 好嗎?
黃易大哥說, 勿再犯錯高價又追回258, 我說過去每次最後都係輸宊, 今次唔會了, 但願如此, 咁, 黑仔P落車之後, 一品應會更加好銷!! 258更好價!!!不過, 沪塌新樓都幾離譜, 要追上香港, 恐怕仍要十年八載, 星港都可以開香檳!
金價在近期低位稍反彈, 但940美元變成短期的上升阻力, 不過, 900應守得住, 可趁金價回落時買些246, PETER有信心, 宜比些少耐性. 已獲利者可繼續王老吉玩上落, 唔主張現時才加入.
2368等住宣布業績, 我估全年每股賺35仙, 末期派12仙, 即全年派24仙, 若然, 現價息口超過12厘, NIKE在中超聯大展拳腳在內地變全攻型, 使2368明年盈利仍有增長. 不過, 現價緊係唔會叫買啦. 有貨在手就要看清楚業績及管理層對今年的展望, 還要看市場反應, 自己定行止吧!
今個周三係71大節, 與WAIYEE在高清JADE對話暫停一次, 7月8日周三下午4點15分, 再和大家直播見面. 或者, 每次講個NUMBER, 收視會大升, 電器舖企滿人, 唔知對不對?

Monday, June 22, 2009

184大會預告片(歡迎大小股東列印備用)

2368因就快宣布業績勁升, 是意料之內, 只盼到時成績表比預期更好.
184周二中午在金鐘香格里拉酒店開股東大會, 到時可望見到新加入了董事局(當然是未及經過股東大會通過!)的幾位公子, peter仔欲了解他們怎樣分工, 那位負責投資.
公司手擁大量現金, 不用於正常業務擴張, 不分派給股東, 卻用於炒買炒賣, 還說部分已輸了套了現, 小股東們卻事後看業績宣布才知道, 年報卻又沒有解釋清楚, 管理層及核數師都要給個合理交待.
弱市時股價曾跌穿兩元, 公司不利用手上現金回購股份, 卻見大股東和某董事在市場增持, 還要小股東繼續同意通過讓他們發新股的權利, 豈不怪哉? (上半年每股賺50仙, 每股派息僅5仙, 股價大幅潛水, 熟知內情者可以低價吸納!)
公司全體股東盈利升得慢, 所謂的少數股東權益升得快, 少數股東權益與大股東有沒有關連關係呢?
新加坡的物業長期待售, 杏花村兩個單位長期待售, 應是沒有租出, 究竟是誰在享用呢?
公司從來不重估手上酒店資產市值, 只計算折舊, 使外界無法知道公司實際市值, 加上手擁大量現金派低息, 令到股價長期偏低.
金融海嘯, 管理層應與公司共度時艱, 有沒有減董事金和減薪?
疑問太多, 不能盡錄, 但這是典型當小股東無到的管理層, peter推薦各位研究商管的mba和phd生們作為論文題材.

Sunday, June 21, 2009

新寵舊愛狂升

668狂升, 看來可成功易手, 而在貨源歸邊下, 炒到你唔信!! 這已不是價值投資者會買入的股票, 沽唔切就賺多些吧!
1333升得無咁厲害, 但都算係好勁, ubs盡地一煲, 散家齊齊發財, peter仔炒多一兩轉之後, 大部份貨又賣了給它, 只剩下幾千貨仔, 等13文? haha, 變咗零成本都好難講啦, 或者再見8字又會炒波幅, 但ubs的決心似乎好大, 想死守9元, 引新丁上車, 有friend傳咗ubs份報告來比club內各資深成員, 我覺得屬言之有物, 但在7元樓下時我的想法也是差不多, 為何ubs不早些發這份報告, 至於目標價超過13元, 我都唔敢話是bullshit.
正如hoiyi所講, 2368將在7月2號公布業績, 雖然裕元有隻仔周五剛宣布劣績, 但2368只是裕元聯營, 自己獨立運作, 成績當然會係一個在天, 一個在地, peter仔估派息12仙, 現價是貴是平, 自己計計吧.
金價調整, 看來已近尾聲, peter開始買246, 我估計全年賺3億5千萬, pe不足十倍, 前景良佳, 若買金礦股, 我只揀246, 若金價續跌, 就繼續收集, 明年通脹在所難免, 金價到時應可上破1000美元, 當然, 如果保守點, 買etf吧, jr常講買金好過買金礦股, 因為礦場可以經營得好差, 不過, 作為新股, 246未來一年盈利有保證, 同時透明度高, 每季公報業績, 有每月的經營紀錄, 單是3月份收入和利潤, 已經超乎想像之外, 當時才是剛上市! 而上市價是6.25元, 看完首季業績後, 可以說未曾開車!! 半年業績將嚇到班分析員個個調高目標價, 信唔信由你!
184就快開股東會了, 事前將列出多個問題, 供各位小股東參考!!
大市仍未穩定, 回吐壓力不少, 但只要選對好股, 必可跑羸.
上述各股都不是cigar butts了, 不過, 「終身價值」仍有不同的吸引力或炒作理由. 但閣下若短炒, 就要嚴守止蝕.
184緊係cigar butts, 但算係特殊管理嗰隻, 所以股價竟然落後於手上淨現金, 問你服味?
258係正在改善中的cigar butts, 但要記住, peter仔與俠女無緣, 你要買就自己check吓近期一品賣樓和租樓情況, 便知道幾咁超值. 只怕peter仔凡上船無運行, 心灰意冷落船就升, 好邪門!!
王老吉近日依然大強勢, 少量玩波幅可以賺餐茶, 但如果無一早跟買, 依家就唔好開始玩啦, 事關出年先係奧運, 隨時比鬼佬沽死, 他們的目標價夠膽死係個幾兩文, 好似當王老吉無到, 但越唱淡價越高, 都幾無人性!

Sunday, June 14, 2009

王老吉發威

h1n1肆虐, 廣藥一周升20巴仙, 升上4元, 都好滿意了. 王老吉近日無新聞, no news is good news.
我看藥業股在近期的震蕩市中可以保持較強勢, 不過, 不宜高追, 宜玩上落.
1333大上大落, 也是宜玩波幅, 只擔心資源泡沫會影響到各類股份異常波動.
金價近期有壓力, 若見近900美元低位, 除買etf之外, 可留意246, 估值偏低, 將較其他金礦股強勢.
新能源不如核能, 鬼佬大多唱淡2727, 可待稍低位開始收集, 據知近月簽咗唔少核器材合同, 一年後應有可觀收益.
2368在1.9有沽家, peter仔也是其中之一, 主因是不喜歡現時大市走勢, 怕有較大回落, 不過, 1.8樓下又少少哋再買回, 宜留意兆記的沽盤, 它還沽淨約200萬股, 唔知點解唔等業績, 不過, 佢已獲利豐厚.
184記住通知經紀轉名過戶, 到時見.
保留較多現金在手, 七月應有較大機會低吸, 依家先跟炒, 擔心係水尾!

Friday, June 05, 2009

「新股股王」完成任務

1333趁中鋁事件, ubs做show發力狂升, 一度突破9元, 雖然謙仔看10元有理, 但peter仔今日大量套現, 只剩下少量. 有時錢係賺唔囇的, 只要有不斷發掘好股票的本領, 希望大家呢個回合或多或少都賺了一筆.
184近日唔多識升, 看來是以為peter重有好多貨, 哈哈!! 你估呢?
2368我繼續慢速套利, 有時都會玩吓波幅, 等吓派息會唔會多過533, 後者除息後開始被追越了, 正常發展.
有網友問585, 它供股之餘, 還有低價毫幾子比自己友換股, 大家卻要供25仙, 我唔會反對跟炒, 但我就無什興趣.
有問點解唔在網誌一日貼一股, 大家發財? 自問無這種本領, 尤其是如今只是熊市反彈, 揀股要花心思呢, 不過, 可以保證, peter仔唔會升咗先叫大家買. jr 教落, 熱炒前買進, 這是永恒的真理.
記住184要轉名, 一起出席股東大會吧.

Monday, June 01, 2009

1333初抵目標價

1333升見7.8, 即peter 的humble 中期目標價, 希望能上破及變成支持點, 現時基本分析和走勢派都上了車, 估計短期內仍有較大波動, 希望高位成交轉少整固, 再上一層樓.
現時全球主要是炒資金流向, 要審慎.
2368越是接近7月越安全, 近日1.7仍有阻力, 到時若派息符合預期, 應可升破, 但當然要留意, 股價已不再是9毛了!!
184現時只看庄家表演, 拿點誠意來, 日日升, 到開股東會時, 怕且都好少人罵了, 你以為啦!!
都係533最勇, 除淨後都見2元, 服味! peter仔說好舒服!! 雖然只剩貨尾, 賺少好多.
有個聰仔自以為天下無敵, 罵盡所有股評人, 篇訪問好有「骨氣」, peter仔要敬禮, 但要少心聰仔契哥發爛渣, 秋後算帳!!