派糖

新財爺派糖, 各階層有份, 你會怎樣用, 買新高清電視?趁低買股票?買外幣人仔?千奇唔好只放港紙係銀行, 即係等貶值.
peter都讚成一次過派錢, 唔會影響慎審理財原則, 近期股仔唔生性,物價又升, 影響消費心情, 結果可能係惡性循環, 所以細曾派糖, 可為自己爭翻啲分數.
美國派糖更加政治性, 因為政府負債累累, 只是猛印銀紙, 難怪美元又來一次free fall!

港台鬧劇續集

周生表態後, 戴生表示又再入紙申請, 都幾搞笑, 上頭已決定唔升你, 即係話閣下雖有學位, 但唔夠班坐正, 重咁厚顏又申請?
不過, 不過, 講電台管理經驗, 戴生肯定勝過周生, 就算唔講學歷都冇理由唔升戴生, 另請周生? 點解釋呢? 啊細哥今次要考你了, 要為老閣分憂, 唔好咁小氣顧住公報私仇. peter估周生最後可能變成出頭鳥, 與戴生兩敗俱傷. 細哥和peter今云可能係難得一致.
戴生早幾年曾調去教統局幫羅太, 這個三剎地是死亡位置, 但他能全身而退, 道行唔錯.
不過, 佢與其他港台公務員一樣, 都係最叻走精面, 靠唔住. 不過最古惑的是周生的監製梁水, 以佢的背境, 本來在港英治下應好似陳祥烈士般在港台企不住, 但此君最懂賣友求榮, 不怕換老細, 所以不如bowtie破格升佢, 有著數. 至少佢會代整人, 又識見民主派講民主活, 見愛國派講愛國話, 幫手將港台收擋捨他莫屬!

港台鬧劇

周先生突然出來開記者會, 好搞笑, 佢老人家幾十年來要拿個degree或MA, 應絕無問題, bowtie也是沒有正式上大學, 靠進修獲MA. 周先生今次只要是向民主派發炮, 向bowtie表忠心而已. 這不是歧視的問題, 現時請個新記者得要大學畢業啦, 周先生懶到去外國跑一跑拿個master學位也不幹, 又可以管吃重的公營電台和電視台嗎?
港台一向派係林立, 但其實好分等級, 周先生說得最對的是他做節目主持人是最次等.
有些人身為公務員 ,高薪厚職, 只顧自己, 這就是港台高層的活寫照, 這班人飲港英的奶大, 少數人在回歸後想歸隊親中, 但氣候不成, 為了飯碗, 還不是醜惡到底!
peter和這些人相識三十多年, 要搞到老同學反目成仇, 見怪不怪, 其實, 周先生坐得上位, 結果只會周生蟻, 信唔信由你!

JR賣花生「致富」

大師們少時都喜歡在球場搵食, 巴菲特如此, 羅傑斯也是這樣, 他還在球場賣花生賺了第一塊黃金呢, 另外, jr是克林頓在耶魯和牛津的學長, 詳情看明天peter專欄.

jr很自負, 但也常自我檢討投資成績, peter也希望學懂此點, 在投資方面有更大改進, 詳情看周一的mt專欄.

戲劇人生

肥姐走完了她帶給大家歡樂的人生, 如果有天堂, 她現時會繼續唱歌為天堂帶來更多歡樂, 對於欣宜, 請勿給她太大壓力, 生生性性做個負責任的人便好了.
希哥返來認錯, But the damage is done. 他應該賠償給所有受害人, 離開娛樂圈, 唔好以為轉戰荷里活就可以.
程大哥回來了, 七十年代學運精英, 係夠硬淨的, x哥為了政治目的在不同generation之間搞挑撥係無用的. 愛國是一種情懷, 不應是一種計算一種買賣, 從80年代到今天, peter看盡不少人不斷變臉的醜相, 也痛惜一些人一箱情願, 太過熱心幫倒忙, 但誠意愛自己國家, 卻肯定是程大哥一生堅持的, 讓我們一起為他鼓掌.
peter幾十歲了, 還做忿怒中老坑, 是否不識時務? 但既然活了一把年紀, 又點會咁易被嚇倒!

x哥, 我錯了, 錯在沒有即時公開閣下的名字

讚peter敢言不敢當, 因為在呢個世界, 敢言即係唔識撈, 得罪人. 所謂寧得罪君子莫得罪小人, 比個謎語大家估, 有老友記話比peter知, 你本書登了一篇不應登的文章, 有人好小氣.
原來佢講的是58頁那篇, 最初發表於05年, 當時不知某人其後會在政界飛黃騰達, 去年結集成書時, 也不是peter主動揀選, 只是一時不慎, 沒有抽起.
當年網上曾有人討論「是何人」, 似乎沒有人識答, 既然無人識, peter又無講出來, 本來是自由表述小意思, 但有人唔高興. 暗箭傷人無事生非好小家, peter也不會怕閣下.
立此存照, 大家做證.

再出網上江湖

休息了兩個月, 決定再間中update網誌, 但對於網上的留言, 一般不會回應, 因為, 若與peter聯絡,可以用公司或isp電郵便可, 免費郵址則並非「朋友」所為, 不會回覆了. 而若有意思的留言, peter也可在專欄中間接回應.
為何有此從出網絡江湖的決定? 皆因近期網友們正在爭取維護網絡自由, peter作為「新自由派」(即既支持自由選擇亦支持自由市場競爭), 不可能坐視不理.
平時的文章, 一般談的是投資和世界大事, 網上就不如多談一些感受. 當然, 間中亦會宣傳, 好嘢緊係要介紹大家買份報紙. 例如過一兩日, 會披露jr少時賺錢秘技及為何與soros分手, 幾時刊登? 就暫時不告訴你了.
最近的網上裸照事件, peter只同情bobo, 因為她當時是正印女友, 女孩有時為求留注花心漢, 會愚蠢的投其所好, 分手之後, bobo不留在是非之地, 怎知最後還是難逃一劫, 好可憐, 至於秘密玩了幾年的女孩, 又怎是天真幼稚那麽簡單呢!
網絡有個好處, 可大鳴大放, 可胡言亂語, 可以不負責任以匿名亂罵, 但公道自在人心!
明白了這點, 所以peter再參予這個遊戲.