追落後 買３３３０？

市場資金太多, 各國政府未敢退市, 股市升勢浪接浪, 我一時局部套利, 一時買回甚至增持, 當然都是希望每次沽高點, 每次買低一點, 這就要看運氣了.
俠女增持加上菁姐唱值十幾文, 湯臣真正有氣有力, 又一次迫近4元, 黃易大哥的愈低愈買方程式又大勝一回合, 佢今次對湯臣前景很樂觀, 所以套現得很慢. 連帶川河也有咸魚翻生的感覺, 要留意「貴婦經紀行」動向, 她們似乎曾高追坐了艇, 現時仍是信心不足. 川河旗下張江湯臣豪園9月份熱賣400餘單位, 是9月份全上海賣得最好的樓盤, 每平方米升上萬五元, 貴婦團宜聽peter意見, 有點耐性. 股價當然仍是大落後, 不過, 短期要看貴婦們有何打算. peter緊係重有貨, 最低29仙買入, 跌到28仙都唔敢買了, 今次要多謝俠女和菁姐, 還要看貴婦們的部署, 總之, thank you ladies!
2368引來一些基金沽貨後又再轉強, 美記已沽得八八九九, 近日見台記買意仍盛, 又到炒業績了, 如果我話你知, 一隻股票市盈率八倍, 息口八厘, 你買不買? 3元的2368就是這個數據, 盤數甚至是更靚, 等到11月中大家就知啦!. 如果上咗三文, 聖誕節就會係潮洲過, 撰寫實戰寶典，如果上唔到三文, 就四圍去嘆世界, 唔做「救世主」.
上次羅杰斯老師來港, 佢成袋金仔, 送咗個一安士加拿大法定4條九金仔比peter玩(peter仔緊係話唔收唔收,但老師盛情難卻）, 當時金價都係剛上1000美元, 個金仔想等到值過萬港元, 先拿出來在創庫坊鏡頭前亮亮, 以示商品大王如何了得!
暫時, 金價上咗1050之後整固, 金礦股升升跌跌, 宜玩波幅, 不過, peter開始收集寧金3330, 這是最衰的金礦公司, 上年搞到蝕本, 不過上半年業績雖說大倒退, 但每股賺9仙, 算是轉虧為盈了.
3330的金礦與246的無得比, 前者在河南的是老礦, 成本貴, 後者在內蒙的是新礦, 一掘落去就有金, 所以毛利率相差大截, 然而, 246再不是6,7元貨仔, 而3330卻竟然回軟至3元樓下, 市值唔夠246批股(骨水９億）, 都幾搞笑! 假設金價900元時3330的純利只是每安士100元, 升到1050元, 就變成100+150=250元了, 升幅應是所有金礦之最, 上市後３３３０呢幾年假假地都買咗幾個新礦, 如今成隻嘢市值只得8億元, 那班管理人員點對得住河南父老!
於是，我開始小注收集, 博佢全年賺25仙, 到時上翻四至五文都好應該, 如果金價續升, 安全度就更大, 不過，如果全年賺少過20仙, 就不計價離場，算是low risk, high return, 對不對?
嗱，係衰公司泥架，自己看清楚中期盤數先好，唔好亂跟！

一個消息兩面看

2368又一次併購不成功, greatsoup兄稱之為小冷水, 我也認為會影響近日的升勢, 不過,
「小冷水」可能令我們有機會更低吸, 我認為, 併購價錢唔好就不如唔好買, 例如早年2368在討價還價後放棄買越南工廠, 結果證明正確.當然, 若常常購完又唔成事, 會令到一些機構投資者唔likey.對我來說, 最緊要係賺多派多!!!呢方面我更有信心, 因為唔併購即係有更多現金, 高息政策更加不會改變.由於中國近月經濟較預期佳, 零售市道暢量, nike在內地銷量續增, 我估計2368半年每股可賺20仙, 每股派13-14仙股息. 市價應該值幾多錢? 我就唔識了, 下個月宣布業績後由市場決定吧. 我太懶了, 都唔想佢今年上3文, 如果上得到, 就要開工做「救世主」了!
金價上咗1000, jr認為已得到確認, 在什麼水位再上車或加注, 自己決定啦!

開國大典

十一留在家看電視, 感到國家真的強大了, 羅杰斯老師說21世紀是中國的, 見到這樣的場面, 怎能不信?
所以, 他雖然對世界經濟前景看淡, 但不會賣中國股票. 正如他所說, 中國人就是天生的生意人, 只怕是沒機會, 若開放走市場經濟, 便一定勝出.
日前看了開國大典, 這是對國共內戰大陸當局的最新解說, 也算是從某種新角度重溫過去一段歷史, 看到代表希望者就是勝利.
電影明顯又把尊毛排在第一位, 不過, 戲中的毛委員是既講原則, 也明白國情, 知道要重商, 要多党合作, 要謙虛聽意見, 如果這是建國六十年的總結, 不論戲中的毛主席熟真熟假, 都係好事.
電影把反貪作為經國先生努力的目標, 也說明了國共以至任何的中國党派都要把化腐倡廉放在第一位, 中國才真正有前途.
改革開放初期, 容忍貪污可能是對絕對權力的一種「贖買」, 但如今, 國運倡盛, 民智日高, 應該是零容忍了!! 反之, 人民會開始懷念毛統治下的共貧時代!!