新網中人

終於來到發表「新文章」這一頁, 可以update網誌, 你們看, 如果互聯網癱瘓, 我們的工作和生活會受到多大影響, 最近一兩天, peter的工作進度大為減慢, 可見一班.
我還在寫07大預測小系列, 明天發表的將是網絡新經濟篇, 道指創新高, 納指離網絡泡沫爆破前的一半也沒有, 可見當年盲目吹捧新經濟的禍害, 不過, 近年亦有不少成功的網商, 他們掌握新經濟的法門, 也為孕育網絡新人類提供了更大方便.
愈講愈嚴肅了, 不符合網誌的我手寫我口風格. 有讀友來電郵說, 對現時的市場感到恐懼, 是的, 手持上升股的疑幻疑真, 手持不懂上升股票的心情惡劣, 過早落車的十五, 十六. 不過, 讓我們回到價值投資法的第一課, 只要手持好公司好股票, 不需理會短期價位變動! 新年在即, 為何還要想著市場, 應好好去開心倒數, 迎接07年的來臨. 有空時當然也可上網閒聊.

Buy China

今日上網認真麻煩, 單靠收email, 其他冇囇料，股市唔理照升, 但只升中國相關股, 都幾狂, 我開始一年一度的新年預測系列, 第一篇是解釋為何全球Buy China, 同埋香港有幾著數．
一些內地保險和銀行股已很誇張，基本分析者解不通，唯有看住佢升，Peter愛cigar butts, 暫時無運行，不過，bubbles正在開始階段，資金將輪流炒作，所以好定．

中國股熱炒

歐美股市放假, 大陸股市炒到開巷, 中行工行勁到爆炸, 工行在港雖未登指數, 但估計聖誕後香港復市, H-股指數閒閒地要升200點, 事實上, 中央想誘導民間資金進股市, 若炒得太勁, 股民擔心可能又會惹來行政干預, 但從現時的情況來看, 股民認為股價仍不算過份, 是在中央可容忍的程度之內.
總之, 還是欲罷不能這句老話, 資金太多, 全球都在buy China.
Peter在附近渡假酒店休息了兩三日, 兼且去書城買書, 買了一些寶典, 希望有時間閱讀吧.
peter一向只收藏郵票, 卻原來錢幣也在熱炒, 菲律賓披索幣有價. 新發現是美國五仙硬幣, 可通知美國親友注意留起來, 日後大有可為, 詳情看peter明天在et專欄.

小休思考

Peter預祝各位聖誕快樂, 未來兩三日, 會離港小休, 看看書充充電, 思考世界大事和投資問題(又吹水了) , 歡迎各位續利用本blog交流, 回來後一併回應.
港股又創新高, 我都話欲罷不能, 錢太多, 唔到你唔服, 某美國財金名嘴出書熱賣, 教炒股秘訣, 詳情請看et國際版同事們的專題報道. 秘訣易懂易明, 切勿錯過, 現時已上了美國兩個暢銷書榜第一位, 好巴閉.
於是peter改寫政治, 預測布殊必定增兵伊拉克, 而不是棚尾拉箱. 信唔信由你.
新股暫時無得抽, 放假也安心, 最激氣是一隻前度新寵283勁升, 記得曾跌到個六七時在mt話可買少許, 後再下跌, 收到一些求救信, 當然被peter罵一輪, 怎知後來也是和和過過就散了水(可能還有極少量存倉, 都未check清楚), 近期一升就是一倍. 本來早就話值兩個幾!
所以, 跟peter要有耐性, 當然, 更重要是要分析是否言之有理. 現時283升到咁高, 只是為了批股, 已過囇火位. 吃不到的是什麼味道呢?

抽得到未必好

碰到已調往集團內其他單位的舊同事, 問peter後市怎樣看, 我說欲罷不能, 與中國相關股票方興未艾, 他說就不用沽貨了, 我說未來一兩年仍是香港的黃金期, 內地企業還會來上市, 而外來熱錢繼續追逐中國資產, 這是基本規律. 不用怕爆煲, 但要保持資金靈活.
連抽三隻新股都無進帳, 有時真的不知黃表是怎樣決定的, 一些時候好像很好運, 一些時候則滯運, 是真抽還是由銀行決定分配, 搞不清楚, 人性就是咁, 抽到就話銀行very good, 抽不到就懷疑做假.
炒完金礦股之後近日改炒金舖股, 三愛股之一的周生生也跟升, 但由於相對強勢, 故又引來眾多獲利盤, 三愛股近日最旺622, 反而是668最弱, 但冇問題, 到了今時今日, 三愛股已是peter的炒波幅對象, 現價已難說是平宜股票.
新股今輪抽不中, 下一輪繼續抽, 但好彩無抽陽光, 否則升的唔中, 唔升的中, 就扯火了, 望抱孫也要記得護盤, 否則成條街系咁罵, 都冇意思, 忽想, 不如趁低買少少, 博反彈, 哈哈, 豬炳級數.

泰國誰玩嘢?(心照請勿回答)

泰國玩自己後, 港股又升, 中國類股尤其厲害, 欲罷不能, 總之係熱錢太多, 香港不搞管制, 大家炒得安心又放心, 不過, 泡沫正在growing, 還是保守點好, 資金靈活點好.
泰國搞什麼, 明天看et等peter為你踼爆內情, 還有同事們的焦點特輯, 一大版解畫和前瞻, 信我, 各友報只是爭第二!
不過, 如果你醒目, 你會知道peter篇稿字裡行間還有訊息想傳出, 看你是否精叻, 一點就明是什麼回事, 總之, 泰國無運行, 香港有運行.
「老板」入貨後, 隻招金果然大幅反彈, 她手上多是保險股銀行股, 與我愛cigar butts性格有別, 不過, 女士往往太緊張短期價位上落, 所以我都不主張佢買cigar butts, 你知啦, 股仔有時大生大死, 女士卻不願cut loss.

「老板」入貨

多謝各位問好. 醒你隻好嘢, 又係招金, 我「老板」低價入咗貨, 周三一定反彈, 輪唔到我13個幾去溝淡買了, 佢好精叻, 我買後跌咗5至10%才買, 通常都中.
見咁多人慰問, 又醒多一樣, 係專業的Derek哥介紹的638, 唔好以為業績倒退, 全年會賺到ba ba聲,
後年展望更佳.
貪平, 買668, 我坐緊艇, 但繼續買, 派完七角特別息後, 每股還有淨現金八角, 如無意外, 係想低價私有化, 到時跟peter一齊食大茶飯, 敢唔敢?
今日寫欄, 不寫泰股寫港股, 都算出位了, 教你如何新股賺盡. 識做就花六元買份et, 每天存下peter篇專稿. 一兩年後再讀, 必定知道識到peter, 不枉此生了(對唔住, 又short咗).

病中胡言

嘩, 唔係掛, 病到花貓咁色都無網友留言慰問, peter呢幾日大大話都收到一百幾十個來自friend club好友的慰問電郵, 有些還很細心教Peter如斯這般, 加強低抗力對付病毒, 所以都話親疏有別.
但想清楚, 網友們不知道閣下五顏六色, 而見得再寫網誌, 都應該好得七七八八了, 就無謂矯情啦.
所以話呢, peter IQ勝過rice小姐, 只是eq低.
看來, 社保基金還未沽招金(因為成交量不多), 這始終是一個陰影, 但若見13個幾, 理鬼你沽唔沽, 湖南有色我都未一樣多謝社保基金沽貨, 暴跌後買進勁賺. 有問, 為何獨愛招金? 你知道peter花心, 先愛紫金, 後愛寧金, 現愛招金, 好正常的男人心態. 當然, 不只如此, 我信招金才是龍頭, 雖然表面數據明明話紫金是龍頭, 這就叫做功力了, 知冇. 如果不知, 就買多一些我老同學黃易大師(佢真係老過我)的小說及隨想來看, 增加智慧.
近期新股熱打殘那班金手指, 所以peter在推介時好縮骨叫人低吸, 但咁又點買到303這類好公司的股票呢, 就算跌回到45元, 你問peter買得味, peter會說, 話它平又未算好平, 貴就不算貴, 講咗等於無講, 死味?
有怪莫怪, 吃太多種藥, short咗!
竟然還未賣廣告, 美國份wsj的女記者專訪了jr, 其實冇新意, 但透露了jr想搬去大連, 星港沪好似落選了, 又話jr特別看好瑞郎, 因此立即聯絡問個究竟, 原來...., 至於沽美元早就係事實, 除了買瑞郎外, 還買.....
靚美人樂樂現時在紐約繼續學中文, jr夫婦想出了一個認字新方法, 詳情記得明天買份et, 兼送樂槳彩照.
至於網上那些盜版, 雖對peter厚愛, 但是犯法行為, 要知peter幾神通廣大, 線路滿天下, 是否想試試坐花廳的姿味?

花貓是什麼顏色?

星期五連續疴嘔, 看醫生後回公司交了兩篇稿便走人, 當晚好鬼辛苦, 原來腸胃炎是這樣的, 過去很少嘔吐, 今次才知吐囇出來是什麼回事, 今天返工前再去看Doctor Chan,他說近期這類病毒太多, 同時會傳染. 所以peter更加要小心, 不要傳給家人及同事!!
稿還是要寫, 拉雜談美國經濟形勢及中美經濟戰略對話, 至於明天的mt, 拉濶投資會談為何一早便沽了某好股, 同時亦提出系列成長好股, 不是叫閣下買, 而是可待回軟時低吸.
現時是全民炒新股時代, 剛才對同事們說, 現時要認新股, 到發現有跌破低價便立即清貨.
牛市第三期, 一係一齊顛賺多點護身, 一係省點用, 防一兩年後爆煲經濟惡劣.

人仔續升

港股隨美股反彈, 保爾森大群人正在北京開會, 暫時是人民幣升美元亦反彈, 匯市是今次中美經貿最高層對話的主題, 請看peter明天在et的專欄了解來龍去脈.
原來近日錯過了不少新股沒有申請, 只中了一手酒店股, 希望賺餐下午茶吧, 過去peter不愛抽新股, 但自從銀行黄表不額外收費後, 便也趁熱玩玩, 待損手之後才戒.
孖膽連續兩日開「終場不過1」, 但派彩偏低, 也是只能羸翻些少近期輸的, 當然, 今季以來, 方程式仍然有錢賺, 但這不是球迷的動作, 只是病態賭徒的作風, 不要學.

招金進財

美國不會快減息, 港股亦趁機回吐, peter終於買了些招金, 忍不住呢, 價錢不算好, 僅較收市價高少少. 這一注是「清兵」, 希望社保基金稍後沽貨(這是急挫的原因, 知冇!), 招金可以更低價買進. 另外, 又亂抽三股, 都不知佢地係什麼公司, 總之是都抽十手, 博中一手. et猛料謂中交分給散戶不多, 孖展客轉投其他較細股票.
香港經濟冇有怕, 有選舉就更好玩, 但若美國傷風便有問題, 於是找料寫了篇美股會大跌嗎? 明天記住買份et看看peter的精彩見解.

Peter又認叻

都唔好又話peter認叻, 估儲局會後聲明全中, 就連Lacker繼續要求加息也早就寫埋, 使et第一時間完成改版, 領先一條街.
總之, 今次不減, 下次亦不減, 請繼續等候, 事實上阿伯是佛老的愚忠派, 在核心通脹仍過2%時,又怎敢減息?

阿伯又混吉

深夜還在與同事一起等待議息, 估計阿伯都是維持息口不變, 及發表模稜兩可的聲明, 經濟雖放緩, 通脹陰影未除之類, 不過, 較早時美股已偏軟, 反映基金經理計數放長假.
年尾流流, 除了申請新股之外, 一般都不宜輕舉妄動, 當然, 特別有心水除外.
美國兩党組成的小組勸布殊改變對伊拉克政策, PETER引述布仔首席政治顧問的名言, 你們便可知道布殊會怎樣選擇? 羅夫確實是第一流策士, 唔到你唔服!

濠江風雲

休息了兩天過大海考察兩晚, 在賭場的成績一般, 賺了午餐和晚餐, 此行與司長出事無關, 而熟識澳門事務的朋友也謂, 事件只是小波瀾, 對澳門地產完全不會有影響, 反之, 今後的批地和其他工程, 透明度可望提高, 正如燊哥所謂, 多多少少也會影響馬交聲譽, 今後應該識做, 要知道燊哥早已認識這是誰的天下, 他不會搞局了. 至於個別直選的立法會成員要求增加監察權, 到頭來也不過是民主櫉窗, 不會影響行政主導及華哥的強人地位.
今次住的是Tony當spokesman的新酒店, 這也是599的客仔, 所以去棒場, 浴室設計果真不錯, 可浸spa,自助餐也算價廉物美, 賭場裡邊氣氛也不錯, 但酒店的服務水準就認真麻麻, 可能請不到人才, 很多員工都不夠班, 個別自稱經理的最初態度惡劣, 後來可能見peter同行有「知名主播」, 態度才有不同.
也去了海洋花園看樓, 三幾個貨尾較05年稍低價欲清貨, 2700呎賣7百多萬, 連裝修加60萬, 但因無敵海景將建湖心庭, 環境及風水在末來幾年可能有問題. 不過, 無敵海景對住珠海的還有三幾橦, 全是大超大單位, 由二千餘呎到三千餘呎不等, 老板暫不開盤.
若有184或想買184的不妨先去看看樓盤, 不要只是聽peter唱好.
mt專欄介紹的朋友提供的兩股都異有移動, 防守性的股票難飛升, 不存在金手指效應.
皮諾切特去世, 他是很爭議性的人物, peter年輕時聽到他的名字便喊打, 但今天寫專欄, 卻較為客觀及點出大時代的英雄狗熊只差一線. 請參考peter在et的舒發感情.

「會上升的股票就是好股票」

想買招金買唔倒, 反而沽咗一手建仔和一手中通, 竟然賺超過三千, 呢牌新股幾好執, 於是又抽中煤, 下周還有四隻, 但其中至少有一隻唔多對路, 不過, 呢個時勢, 鬼理佢係什麼公司, 總之, 會升的股票就是好股票, 大家套現改玩新股, 暫時個勢仍在, 一年後當然陸續爆煲.
手上有一個由俄羅斯王牌大學做的大國排名榜, 分析算公道, 但peter勢順寫篇文插普京. 明天見et.
周一mt有好介紹, 專欄會登六張走勢圖, 但主要是貼兩隻「廉價股」(nav 高, 肯派息, 盈利增長好), 本是friend club 兩朋友的07至愛, 希望也可幫大家執番十幾個巴仙.
「會上升的股票就是好股票」現時常比peter盜用, 其實源自入行在某財經雜誌工作時的呂師哥, 他早已上岸做了老板, eq高抵佢發達. 我只好繼續執他的口水尾. 過去唔信這句真理, 依家唔到你唔信!
明天後天要去「視察業務」, 看看有何收穫?

低吸招金

澳門出事, 港股回吐, 當奴開心, 華哥好煩, 報告上京, 罪證多多. 司長涉貪, 牽連甚廣.
peter都好煩, 申請十手招金都抽不到, 只好希望有好價入, 好彩金價近日被peter唱衰回落(放屁, 怎會有這種影響力, 只是peter的消息來源有料到而已).
股市炒時炒, 要防漏氣, 美國經濟欠靚仔, 明天peter專欄分析衰退的可能性有多大, 問你驚唔驚. 留意明晚的就業報告.

新股又開鑼

美股收工時仍在混吉，港股明天開始炒新股，　隻建仔抽到一手，看看可不可以賺個自助餐，跟住又抽下一隻．　金價果然有點乏力，ＣORYBOY醒目先走貨．　若碰上明天金價再跌就好了，　因為估計也是抽到一手招金，　浪費彈藥，　但也可些錢趁低買，升１０至１５巴仙ｐｅｔｅｒ算是低了．
凱恩斯派專家謂美元有暴跌風険，明天ｐｅｔｅｒ在ｅｔ專欄披露這些左派的看法，唔好話無道理，　雖然此君最近罵佛老，　但不以人廢言．所以ｐｅｔｅｒ應列入自由右派，　或被那些反自由化的示威者所罵的「新自由派」，
有網友話不知ｅｔ是什麼，　他可能是ｕ的讀者，蒙查查被騙上了來，唔緊要，　請自己或左右隔離的賓姐去７仔話買ｈｋｅｔ，　話明周六和周一有雜誌送，　就一定不會買錯．
要搵ｐｅｔＥＲ的大文好易，　最認叻嗰篇就係，但唔用方言，以免教壞細路．

至怕「雙規」

622全家反彈, 最著數可能是003, 因為可以注入一些資產便控制上市的百江, 622淪為小股東, 但沒有咁大個頭就唔好戴咁大頂帽, 百江亂玩財技要蝕錢, 證明1168的管理層道行有限, 不如集中玩地產和發電好了, 其他的待煤氣專家顯功力.
另一個消息係大老闆在記者會亮相, 因為時有「雙規」(其實大老闆係退休幹部不會雙規, 但可以「協助調查」)謠言令全家股價受壓. 最抵邊隻, 世房升了一倍, 富力不知升了幾多倍, 1168可追落後了. 但要大老闆無穿無爛, 否則若葉生翻版, 就係咁先, 所以, peter一定唔會推介這股, 只會自用. 622 是三愛股, 如斯價格, 當然不信已升完. 但3, 4角買入的那批貨好肥了!!
港股又見萬九, 錢還是太多, 欲罷不能, 呢排都係短炒好過, 也要新發掘一些由壞變好的雪茄屁股.
對於資源股一向看好, 但最近收到風有問題, 詳情記得看peter在et專欄爆內幕.
美元係咁跌, 有同事今日過來多謝peter, 原來佢準備到日本玩, 早排曾問peter可否等美元稍反彈才買yen, peter當時叫佢唔好等, 結果他識做換多不少yen.

622「賣仔」

Dear Ms Fung,Sorry for writing in English as my Chinese often turn into demons. I think it is a good news for 622 to "unload"some of its stake of Pak Kong, as Pak Kong has expanded too fast and is not well managed, HK gas should be a better mother.Cheers.Peter

Fung wrote:

先生:
您好，本人為<<拉闊投資>>的忠實讀者，亦是622的小股東，該股近來復牌並作出多項公告，好像涉及多項與中華媒氣的重大交易，然而本人能力所限，未能了解是福是禍，故望曾先生你能指點迷津，謝!

敬上

解夢

終於解倒夢了，　但已錯過機會，　原來係指周六孖膽，　一場是４比０，利記勝，　一場係紅魔勝２比１，　１＋２＋４剛好是７．　你看四面佛幾靈，是ＰＥＴＥＲ自己層次不夠高，派彩幾多？　無人中，　即係話如果識解夢跟買，　收了一百幾十萬元！！
不問倉天問自己，本周看好招金，只怕連一手都抽不到．

居安思危

周末去了深圳, 參加親友飲宴, 街邊兌人仔是一兌一, 但也要兌一些, 以防有不收港紙的, 搭的士比人民幣, 今次有港紙找回, 深圳人也心知肚明, 人仔遲早高過港紙, 手上有的都給回港人好了.
當地食物水準早已追上香港, 在不同地方食了幾餐都幾好味, 至於衛生情況就難講, 不過至少peter今天腸胃尚算正常. 你哋放假我今日要返工, 分析家們對外圍後市多看淡, 正所謂見好看好見淡看淡, 是市場的常情.
明天mt專欄會集中介紹對內地銀行股的不同看法, 是friend club聚會的第一個小總結, 07好介紹將陸續有來.
金礦股近期當旺, 但亦有外國專家看淡, 所以今日peter另外寫篇居安思危, 雖然係人都知peter是黄金大好友, 但近期亦提出, 短線恐怕有阻力.

暫時五行欠水

港股又隨美股調整, 資金不足是最大問題, 今日就可以有三新股申請, 我好似隨口申請兩隻, 計計埋埋呢牌好似申請了四五隻, 即是話沽了不少貨才有錢去抽, 啲錢又被壓住未回籠. 好似Peter咁做有不少人, 一些還會孖展搏殺, 大市又怎會沒有沽壓?
俄羅斯毒案講了好多反對派的推理, 為表中立, 今日也寫點介紹親普京陣營的推理, 但好似硬來一點, peter就唔係幾信(緊係唔話比對方知), 近期都係唔去莫斯科好過. 中釙毒者恐怕陸續有來....
今晚用不過終場不過1方程式買孖膽如飲雪水, 等於與普京比賽柔道. 難道真係又要等到周末?
如果未看墨攻, 假期不要錯過了. 當然, 要先買份大份夾好食的et, 又有樓雜誌, 又有波雜誌送, 你重買第二分想點先? 一定是爛賭馬, 或者是看「豪情版」了, 什麼, 網上男女大都係咁?嚇死我這個good and innocent boy了, 要先向阿曹, 唔係, 紅咗叫陶傑, 學習吓先. 靜靜地話你知, peter仔壞過陶生好多!!
發夢四面佛教peter買1,2, 4,7, 但唔記得叫買什麽, 波? 馬? 股票?Mark 6?過大海?邊個識解夢話我知, 好唔好?
今期份U都有力水, 這個blog收看衝上四萬大關, 不過重係低調點好, 喜歡這個blog一定要係高層次人士, 這個世界唔多. 你喜歡嗎? 哈哈!!