聰明熱錢

唔係世界末日, 只要中美股市都反彈, 便會暫時安靜下來, 今次顯然是smart hot money作怪, 內情請看peter明天在et的分析.
風大浪大, 夠膽就凡見美元反彈就買yen. 唔夠膽就買人民幣.
各地股市無厘頭創新高, 緊係給人機會搵水啦, 佢先拆日圓淡倉, 然後伺機全球賣股票買日圓, 便引來恐慌性拋售. 之後還會玩過山車.
peter冇有怕鬥爭到底, 繼續吸納近期新寵, 但也蝕讓了一些好公司, 以保持較多現金在手, 係邊啲就心照了.

全球跌市

嘩, 全球跟中國跌市, 都米話唔得人驚, 道指跌咗兩百點, et同事們正改版, 使讀者明早知道最新形勢.
兩個原因, 日圓carry trade拆倉, 中國小股災.
我驚香港明天要繼續跌, 直至大陸股市喘定.
金價較預期表現差, 要小心. 近期好多「一日一股」亂升, 個市係咁先, 所以要保守一些, 知所走位, 例如, 跟peter和friend club的推介, 至少唔會輸死.
大跌市更要顯功力, 人人的股票跌, 自己的股票至小係要跌得少, 當然, 逆市上升就更好了, haha.
我今日唔寫市, 而是爆美伊在區內惡鬥新內情, 看完之後包你驚多幾成.

又買3330

金礦股終於開車了, 低eq的peter又買3330, 博係真炒, 1818當然早就持有不少(其實也在年假前減持了少少), 金價要升, 任何力量都阻不到, 那怕IMF叫央行沽. 貨幣不穩, 又驚打仗, 金價逐步升, 如果信jr, 至少要見850美元, 至於幾時, 就學老曹所講, wood kill sheep了.
奧斯卡開獎, peter權充影評家, 明天記得買份et看看peter的專欄是否合格.

上海之行

在上海嘆了幾日世界凌晨返港, 第一時間又去移民局辦手續, 除夕經羅湖過關已被收了舊新份證, 因未領smart card, 雖准離港返港及准經赤立角飛上海, 總之係不斷被問話(因為啲護照過了期又唔知), 好彩今日下午順順利利換領, 下個月可以有新的新份證, 同時madam同我影得幾smart(至少唔似犯人), 在入境處都算有啲face.
本來mt老早交稿, 但金升金礦股不升, 只好改稿, 自我安慰謂1818要看長線.
去上海當然要微服視察地產業, 以香港準買家身份, 好受歡迎呢!
過多一個星期才詳細在mt匯報, 有何啓示? 周一第一時間看mt, 看字裡行間Peter的暗示, 便知此行是利好還是利淡了. 實地視察真的十分重要, 「上海新地鐵開通, xx爛地即變寶」.
你估唔估倒xx係什麼?

豬年夢想

送舊近新，祝大家萬事如意，ｐｅｔｅｒ趁假期將去充電數天，有機會順便考察，回來再向大家匯報，當然，　若有特大新聞，　還是會從外地寫稿回來，也為ｅｔ和ｍｔ留了個別文章，　希望有助大家豬年發財，及提高層次．
請繼續留言，有空時會回覆．
永遠記著，股價只是一種財富效應，輸家不明白這個道理所以最終還是輸家，　而大多數輸家是我們散戶，　但若懂得上來這個網誌一起學習及閱讀ＰＥＴＥＲ的文章，就一定可以成為勝利者，我近期常常自我吹眠，要幫助所有願意學習和分享的散戶，擊敗市場，創下香港股市的奇蹟．
能夠預知天下大事，香港股市又算老幾！！這是ＰＥＴＥＲ的投資英雄主義，當然還要靠大家群策群力．

老師病了

阿伯果然救了港股一命, 否則新年假期的情緒都受影響, 現時真的又進入全民炒股時代, 消息滿天飛, 的士都播財經台, 近日散戶少炒窩輸多炒垃圾股. 去洗頭個個講number, 還話peter的升得不夠快, 又是莊金們和偽金手指們發達的機會了, 八成散戶都將成為輸家.
要記住雪茄屁股絕非垃圾股, 垃圾股絕非cigarbutts, 要懂得分清楚就是勝利者, 否則你閱讀peter的文章也無用.
我近年最尊敬的老師患了老人病, 自己無實力發展其「帝國爭雄」學說, 只好又在et寫goodmouth Franz的文章, 及簡介其理論. peter咁吋, 肯以「humble student」自居, 你會知道Franz是真正的大師, 同時他很坦率, 也願意聽不同的意見. 只望他早在康復.

熱錢何在

轉了去新版，現時才可以登入，認真麻煩，美股大彈，因阿伯暗示快減息，事實上佢最驚樓市爆破，　不減息更待何時？
港股明日一定要大彈，否則好麻煩．
人話熱錢走了，　究竟去了那裡，明天看ｐｅｔｅｒ在ｅｔ分析，
美元要跌，　金價要升，　大勢所趨，

我的金礦股

731爛部隊開車, 281初抵目標價, FRIEND CLUB AND Peter總算有交待，道理很簡單，好股票超值股票一定要回到合理價格，Ｐｅｔｅｒ的作用頂多只是提醒市場而已，若果亂唱好，好快就會玩完，所以無金手指這麼回事，自稱金手指的專欄，ｐｅｔｅｒ服咗佢．
ｐｅｔｅｒ所識股票有限，如果唔係靠班ｆｒｉｅｎｄ提點，又點可不斷揀出好股．
ｊｒ和黃易早就話應買金而不是買金礦股，但ｐｅｔｅｒ固執，　所以金升，金礦股不大識升，甚至有３３３０坐艇，所以話邊有得認叻．
不過，金價是累積動力，　隨時可大升破６７０－６７６，然後上７００，　請看ｐｅｔｅｒ明天在ｅｔ專欄分析．但這不一定等於ｐｅｔｅｒ可在金礦股獲利．短線工夫太水皮！

匯豐有難

Dream tree 留言，問了一個很好的問題, carry trades 主要是借日圓買高息貨幣, 債券以至股票等, 而不是沒有息收的黃金. 所以若拆倉, 對金價反而應有好影響, 因為金融市場大亂, 人們會找避風塘, 黃金是其中之一.
現時要看是否衝上671-676小尖頂, 但看來, 由於今年是動蕩年, 金價正拾級而上, 不大跟油價或其他工業金屬.
我正在思考匯豐在美國出事的問題, 因為其他評論的水平太過差劣. 有意見彈啲泥啦, 特別是曾經在美國買樓的朋友, 請給點美樓市實例.
mt將介紹friend club成員一些好介紹, 366其實最先也是由成員提出, peter只是做印證, 所以, 散戶要成為勝利者, 學習與分享是幾咁重要, 知冇. 你問我number冇用, 但講隻number然後解釋你喜愛的理由, 如果peter都同意, 通常都有運行了.
最好的風是一枝殺人部隊的number, 這個number在股場亦害了不少人，但應該是回報的時候了．你不用估了，周一記得買ｅｔ，　同時一定也要看足ｐｅｔｅｒ兩個欄，包有著數．

和談x戰爭

港股由於5號仔間接盈警, 大玩過山車遊戲, 最後期指淡友慘敗, 說明了好友子彈仍充足.
今年恒生指數實要升, 迎接回歸十周年, 要知道中央和Donald的最大共同點是都很要面子.
六方會談又復會, 有好開始, 為何如此, 請看peter在et解畫, 但要小心東線無戰事, 火向中東燒.
281走勢滿意, 慢慢升不用急.
金價又似要上衝, 唔好再騙peter, 一鼓作氣吧, 好友們一齊叫:衝破671!!!(喉沙都未到就搵peter賠杯清涼茶.)

血案內情

股市混吉, h股趁大行唱好反彈, 668「起義」又開始套利, 281要看周四和周五走勢, 收市企於33仙便上上大吉, 否則暫改玩上落.
金價在660前又受阻, 招金波幅少, 明天又要回軟體! 忍忍忍...
德國血案不少友報大做文章, 實情宜看peter在et解畫, 假假地都做過德國記者, 怎可執輸不爆些內情?

幕後黑手

港股反彈, peter成班新寵反而表現一般, 所以都話叫做自由行股, 缸中有水便可.
商品近日玩大上大落, jr亦預期有更多對沖基金爆煲, 今次peter倒有異議, 請看明天在et如何解畫, 指出真正「幕後黑手」.
黃易的fans網站多得很, 佢自己就比較少上網(除咗打game), 那般fans可能唔多炒股和留意國際時事, 所以不懂上來收風, 令我呢個代言人好無面子. 如果佢班「華人社會fans」齊齊上來, 哈哈, 這裡收視一定勁過parishilton.com, 可能同utube都有得揮(PETER又發神經了)
黃易精通中西文化歷史, 有無窮想像力, 與PETER的辯證邏輯推理相映成趣, 所以細個時常「對話」, 唯一相同是都喜歡BOB DYLAN, 醒你們一隻好歌: SHELTER FROM THE STORM. 現時和黃大師談起, 都認為當時是BOB　ＤＹＬＡＮ的頂峰．

黃易 ＋ 曾仲榮

以前曾提過黃易大師和ｅｔ總主筆兼副總編輯曾仲榮互相贈送自己所著的名作，　他們兩人是大學兼中學的師兄弟，曾官一向愛讀黃易的小說，ｐｅｔｅｒ相信有朝一日，他會寫本研究黃易作品的專著．
不過，　曾官又有新作，　名為「香港，　誰邊緣化了妳」，　可以說是ｅｔ巨著「香港　醒醒」的理論篇，黃大師神龍見首不見尾，　於是曾官托ｐｅｔｅｒ贈書給師兄，也送了ｐｅｔｅｒ一本．　這是繼「中國國情第一課」曾官另一本政論專著，黃易收書很開心，ｐｅｔｅｒ也順便送了香港醒醒給他，內有ｐｅｔｅｒ幫手訪問ｊｒ的部分，　於是也列入作者名單內．
總之，　要了解香港未來，　兩書都不能不讀，　知冇？
繼「雲夢城」之後，　黃易正在寫科幻長篇，要向還珠樓主致意，這將是另一部傳世之作，ｐｅｔｅｒ雖被阿嫂封為黃易代言人，　也不便透露內情，但聽落已好勁．Fans們則要等一等，大約暑假會陸續推出，　暫時請翻看大師舊著．曾看過網上有人話不喜黃易再寫科技，　應集中精神於武俠，　ｐｅｔｅｒ向大家保證，　這是結合科幻和奇俠，講整個宇宙的超世故事．

money gone with the wind?

今日港股跌, peter mt專欄配圖表五張, 無隻跌, 四隻識升, 622持平. peter文章鬧很最勁是622(我還有不少貨), 但它始終是三愛股, 難與它分手, 無計!
又買又賣281, 貨底好, 有heart, 258又被整, 最好的闢謠就是買貨!!
想知更多876, 可參考早一天的留言.
布殊宣布新預算案, 今財年伊拉克軍費增補千億美元, 近日巴格達炸到九彩, 一星期死上千人, 兩星期內四架美軍先進直升機被擊落, 美軍被綁架殺害的宗數亦增, 布殊要國會過水都幾頭痛. 啲錢實際上去咗邊, 我反而最想知, 請看明天peter et專欄.
油價又反彈, 帶起金屬股, 總之, 呢牌商品好論盡, 反反覆覆.

自設冷宮

美元反彈, 金屬今晚係咁先, 唯油價硬, 美軍和伊朗特工牌面上應是敵人, 但信peter, 其實在戰場上大多時合作, 請看明天在et披露真相.　世界好多時唔係黑白分明咁簡單．　
周一mt將又講道理, 勸各公司管理層要照顧小股東們利益, 否則只是自設冷宫, 無人跟玩, 會被街坊rough mouth大罵．
你記得有邊隻股被ｐｅｔｅｒ打入冷宮呢？

落注賭金

今日沽內地銀行股轉買資源股, 即時好處不大, 只是博金價破671位直衝700美元, 到時寧金也要爆升(可見peter有時只是街邊大叔和師奶水平, 一味貪平), 阿伯唱高油價, 暴露布殊係石油政權 ,明天看peter在et勁爆料, 還有同事們做了一個非洲資源專題, 嘩列明邊個國家有寶, 必須剪存, 日後看戲便知有無作大.
622近日玩殘peter, 遲些時要追他一軍, 懶理佢係三愛股之一(係唔係小罵大幫忙, 今次好似動了真火...唔講咁多, 驚你口疏)